Аԥсны аихамҩақәа уаанӡатәи ахада иганахьала анапхыцәгьаразы ашьаус хацыркуп
17:37 17.12.2025 (ирҿыцуп: 17:55 17.12.2025)
CC0 / /
Анапаҵаҩра
АҞӘА, ԥхынҷкәын 17 - Sputnik. Аԥсны аихамҩақәа уаанӡатәи ахада Мирон Агрбеи ареспублика атәылауаҩ Даур Қоӷониеи рганахьала анапхыцәгьаразы ашьаус хацыркуп.
Дара "Аԥсныеихамҩа" аԥарақәа рӷьычит ҳәа гәҩарас ирымоуп, абри атәы аанацҳауеит Аԥсны АҩАР.
Аусҭҵаара адыррақәа рыла, анапхыцәгьара мҩаԥган "ААМ" аилахәыра "СП Путь-А" ирыбжьарҵаз аиқәшаҳаҭрала аргыларатә усурақәа рынагӡараан. 2020 шықәса хәажәкырамзазы "Аԥсныеихамҩа" адиректор иҟаҵаз Мирон Агрба, инапынҵақәа рынагӡара аамҭазы ари аилахәыра аԥҵаҩысгьы дыҟан. Уи ихаҭыԥуаҩыс дыҟан Даур Коӷониа.
Анардадаҩ еиҭашьақәиргылар акәын аихамҩа ацҳақәа быжьба, Аҟәа астанциаҿы ахыцтә аиагақәа, Аҟәа, Цандрыԥшь, Гагра, Аҟәа астанциа аҩбатәи аадгыларҭақәа рырлашара.
Агрбеи Коӷониеи адокументқәа иадырбеит аусурақәа рынагӡашьазы ииашамыз адыррақәа. Ашьаус ахацыркра аамҭаазы ахарџьнҵа — 12,7 млн мааҭ ыҟан. Урҭ рҟынтәи Абжьаҟазаратә ӡбарҭа аӡбамҭа аднакылаанӡа "Аԥсныеихамҩа" 3,8 млн мааҭ ианагахьан.
Заанаҵтәи аусҭҵаара иацҵахоит.
Дара "Аԥсныеихамҩа" аԥарақәа рӷьычит ҳәа гәҩарас ирымоуп, абри атәы аанацҳауеит Аԥсны АҩАР.
Аусҭҵаара адыррақәа рыла, анапхыцәгьара мҩаԥган "ААМ" аилахәыра "СП Путь-А" ирыбжьарҵаз аиқәшаҳаҭрала аргыларатә усурақәа рынагӡараан. 2020 шықәса хәажәкырамзазы "Аԥсныеихамҩа" адиректор иҟаҵаз Мирон Агрба, инапынҵақәа рынагӡара аамҭазы ари аилахәыра аԥҵаҩысгьы дыҟан. Уи ихаҭыԥуаҩыс дыҟан Даур Коӷониа.
Анардадаҩ еиҭашьақәиргылар акәын аихамҩа ацҳақәа быжьба, Аҟәа астанциаҿы ахыцтә аиагақәа, Аҟәа, Цандрыԥшь, Гагра, Аҟәа астанциа аҩбатәи аадгыларҭақәа рырлашара.
Агрбеи Коӷониеи адокументқәа иадырбеит аусурақәа рынагӡашьазы ииашамыз адыррақәа. Ашьаус ахацыркра аамҭаазы ахарџьнҵа — 12,7 млн мааҭ ыҟан. Урҭ рҟынтәи Абжьаҟазаратә ӡбарҭа аӡбамҭа аднакылаанӡа "Аԥсныеихамҩа" 3,8 млн мааҭ ианагахьан.
Заанаҵтәи аусҭҵаара иацҵахоит.
