Аԥсны ахада Жәлар Реизарахь иҟаиҵаз инашьҭымҭаҿы — атәыла аԥсҭазаара аганқәа зегьы азгәаҭан ҳәа иԥхьаӡоит Апарламент аиҳабы Лаша Ашәба.
19:46 26.12.2025 (ирҿыцуп: 20:06 26.12.2025)
Анапаҵаҩра
Аԥсны ахада Жәлар Реизарахь иҟаиҵаз инашьҭымҭаҿы — атәыла аԥсҭазаара аганқәа зегьы азгәаҭан ҳәа иԥхьаӡоит Апарламент аиҳабы Лаша Ашәба.
Ашәба иазгәеиҭеит асоциалтә политика, аҵарадырра, агәабзиарахьчара, ашәарҭадара, аинфраструктура, аенергетика, аҿар рыҿиара уҳәа актуалра злоу апроблемақәа ирыдҳәалоу акрызҵазкуа аусхкқәа рызҵаарақәа ишырзааҭгылаз.
"Арҭ азҵаарақәа зегьы ҳара ҳмилаҭтә ҿиара иазырхоу, аԥыжәара змоу ракәны иҳадаҳкылоит. Ҳәарада, ҳара анагӡаратә усбарҭақәа, аиҳабыра аус рыцуа арҭ ахырхарҭақәа рынагӡара ҳҽазаҳшәалоит", — иҳәеит Ашәба.
Апарламент аиҳабы иажәақәа рыла, ахада инашьҭымҭа Аԥсны Апарламент ахь идәықәҵахоит аԥыжәара змоу документк аҳасабала, анаҩс ахырхарҭақәа инарықәыршәаны апрофильтә еилакқәа рахь еихшахоит.
