https://sputnik-abkhazia.infohttps://t.me/sputnik_apsny_info/14808

Аҿар Рпарламент ахь акандидатцәа рҭаҩразы арзаҳалқәа рыдкылара аҿҳәара инахеит

Аҿар Рпарламент ахь акандидатцәа рҭаҩразы арзаҳалқәа рыдкылара аҿҳәара инахеит

Sputnik Аҧсны

АҞӘА, ажьырныҳәа 7- Sputnik. Аҿар Рпарламент ахь акандидатцәа рҭаҩразы арзаҳалқәа рыдкылара аҿҳәара ажьырныҳәамза 31 рҟынӡа инахеит, абри атәы Sputnik... 07.01.2026, Sputnik Аҧсны

2026-01-07T20:51+0300

2026-01-07T20:51+0300

2026-01-07T21:11+0300

sputnik аԥсны

аԥсны

аԥсны

ажәабжьқәа

https://cdnn1.img.sputnik-abkhazia.info/img/102774/42/1027744275_0:104:2000:1229_1920x0_80_0_0_ca1fc8f157a172e44409ec5a70fb3b99.jpg

АҞӘА, ажьырныҳәа 7- Sputnik. Аҿар Рпарламент ахь акандидатцәа рҭаҩразы арзаҳалқәа рыдкылара аҿҳәара ажьырныҳәамза 31 рҟынӡа инахеит, абри атәы Sputnik иазеиҭеиҳәеит Жәлар Реизара адепутат Инар Саӡба.Иара иажәақәа рыла, арзаҳалқәа рыдкылара иалагеит ашықәсҿыцазтәи аныҳәақәа рыламҭалазы ԥхынҷкәынмза 3 инаркны."Акандидатцәа рҟынтәи иҳауз азыҳәақәа рыхәҭак цқьа ииашаны еиқәыршәамызт. Ганкахьала, ишеилаҳкаауа ала, уи зыдҳәалоу аныҳәатә ԥсшьарамшқәа ирыхҟьаны аусбарҭақәа рҟынтәи иахәҭоу ашәҟәқәа рыҭаразы иҟалаз аиҵахарақәа роуп", — иҳәеит иара.Араионқәа руак аҟынтәи иаашьҭыз азыҳәақәа рхыԥхьаӡара азымхеит, акандидатцәа иҟарҵаз аҳәарала адкылара аҿҳәара иацҵоуп.Саӡба иазгәеиҭеит иаашьҭыз азыҳәақәа ирыгу-ирыбзоу аиқәыршәареи, ма ҿыц иаазышьҭыр зҭаху зегьы ари аамҭа иалагӡаны ирылшоит ҳәа.Иара иазгәеиҭеит аҿар активла аԥшьгамҭа рхы шаладырхәыз, раионцыԥхьаӡа 2-3-ҩык аҭыԥ ахь акандидатцәа шазыԥшу, зегь реиҳа арзаҳалқәа рацәоуп — Аҟәантәи.Депутатс дҟалар илшоит дарбанызаалак Аԥсны атәылауаҩ, 18 шықәса иреиҵам, 30 шықәса иреиҳам ауаажәларратә ԥсҭазаара иалагылоу, аҵара, аҭҵаарадырра, акультура, аспорт, аҿартә политикаҟны аихьӡарақәа аазырԥшхьо. Иара 17-ҩык адепутатцәа рыла ишьақәгылазаауеит.

2026

Ажәабжьқәа

ab_AB

sputnik аԥсны, аԥсны, ажәабжьқәа