https://sputnik-abkhazia.infohttps://t.me/sputnik_apsny_info/14879

Метрак аҟынӡа асы алеира иазԥшуп Риҵатәи амилаҭтә парк аҿы иааиуа амшқәа рзы

Метрак аҟынӡа асы алеира иазԥшуп Риҵатәи амилаҭтә парк аҿы иааиуа амшқәа рзы

Sputnik Аҧсны

АҞӘА, ажьырныҳәа 13 — Sputnik. Метрак аҟынӡа асы алеира иазԥшуп Риҵатәи амилаҭтә парк аҿы иааиуа уахыки-ҽнаки рзы ҳәа Sputnik иазеиҭеиҳәеит апарк абнахылаԥшҩы... 13.01.2026, Sputnik Аҧсны

2026-01-13T15:21+0300

2026-01-13T15:21+0300

2026-01-13T15:46+0300

аԥсны

ажәабжьқәа

аԥсны

https://cdnn1.img.sputnik-abkhazia.info/img/07e9/02/10/1053809834_0:438:719:842_1920x0_80_0_0_184f814dc3db9cddd25c6abac8b294ae.jpg

АҞӘА, ажьырныҳәа 13 — Sputnik. Метрак аҟынӡа асы алеира иазԥшуп Риҵатәи амилаҭтә парк аҿы иааиуа уахыки-ҽнаки рзы ҳәа Sputnik иазеиҭеиҳәеит апарк абнахылаԥшҩы хада Ҭенгиз Џьергениа."Асоура аҽарӷәӷәеит иаха асааҭ акахьы инеихьан еиԥш. 35 сантиметра рҟынӡа асы леихьеит аӡиа иахьаҵанакуа. Аҳауагәаҭаҩцәа излаарыцҳауа ала, уахыки - ҽнаки асы аулоит, аҿыгҳара метрак аҟынӡа инаӡар алшоит ҳәа ҳазыԥшуп", — ҳәа азгәеиҭеит иара.Џьергениа иажәақәа рыла, аӡиахь амҩа аркӡам, аха агәаҭара-аушьҭырҭатә ҭыԥ аҿы амашьынақәа аӡынтәи арезина рыҵоу ирыҵаму гәарҭоит. Машьынақәак шьҭахьҟа идыргьежьит. Асрыцқьага атехника ажьырныҳәа 13 ауха инаркны еиԥҟьарада аус ауеит, аха иахьа ахәылбыҽха аусуҩцәа аурышьҭуеит Ажьырныҳәа рҭаацәеи дареи иеицазгәарҭарц азы. Урҭ ҩаԥхьа асы ақәгара иалагоит ажьырныҳәа 14 ашьыжь. Абнахылаԥшҩы хада иара убасгьы иҳәеит ажьырныҳәамзазы ас еиԥш асоура ӷәӷәақәа ари аҭыԥ азы ишҟазшьарбагам. Абжьааԥны усеиԥш ҟалалон жәабранмзазы.Аӡиа Риҵа макьана ихымҵаалацт, аха асы ихнаҩахьеит. Ҵыԥх жәабранмзазы ауп аӡиа зегь анҵааз.

https://sputnik-abkhazia.info/20260112/1060337580.html

2026

Ажәабжьқәа

ab_AB

ажәабжьқәа, аԥсны