Баграт Шьынқәба ихьӡ зху аԥсуа бызшәа арҿиаразы агәыҳалалратә фонди Аԥсны Аҵара министрреи аусеицуразы аиқәшаҳаҭра рыбжьарҵеит.
Баграт Шьынқәба ихьӡ зху аԥсуа бызшәа арҿиаразы агәыҳалалратә фонди Аԥсны Аҵара министрреи аусеицуразы аиқәшаҳаҭра рыбжьарҵеит.
Афонд ахаҭарнак Леуан Лагәлаа арадио Sputnik аефир аҿы иазгәеиҭеит аусеицура ҩ-хырхарҭак рыла ишышьақәгылоу — ацифратә дунеи ахь аԥсшәа инагӡаны анагареи, ахәыҷбаҳчақәа рҿы аԥсуа бызшәа дырҵаразы афонд иаԥнаҵаз аметодика аларҵәареи.
Сынтәа ахшыҩзышьҭра аҭоуп аметодика аҳәынҭқарратә хәыҷбаҳчақәа рпрограмма алагалара. Уи уаанӡа ахатәы хәыҷбаҳчақәа рҿы ахархәара аман. Лагәлаа иажәақәа рыла, алҵшәа аанарԥшит, ахәыҷқәа ибзианы ирыдыркылеит.
Афонд аусзуҩцәа агәыӷра рымоуп аҳәынҭқарра ацхыраарала изҿу рус аҩаӡара ҿыц ахь анагара. Аҟәа, Гәдоуҭа, Гагра ақалақьқәа рҿы иҟоу ахәыҷбаҳчақәа хәба рҟны иазгәаҭоуп аԥышәатә программа амҩаԥгара.
"Алҵшәақәа рышьҭахь, иааиуа ашықәс азы аметодика ахәыҷбаҳчақәа зегьы рҿы иалаҳгалап ҳәа агәыӷра ҳамоуп", — ҳәа иҳәеит Лагәлаа.
Аиқәшаҳаҭра инақәыршәаны, аметодика ҿыц ала аус зуа арҵаҩцәа аҳәынҭқарра афинанстә цхыраара рынаҭоит, Афонд аметодистцәа рыцхыраарала арҵаҩцәа азыҟарҵоит.
Инеиҵыху аиҿцәажәара шәахәаԥшыр шәылшоит Sputnik Аԥсны асаит аҿы.
