Аԥсны ԥхынҷкәынмза алагамҭа инаркны 130 хҭыс инареиҳаны агрипп шьақәырӷәӷәоуп
11:52 14.01.2026 (ирҿыцуп: 12:47 14.01.2026)
© Sputnik / Александр Кондратюк
Анапаҵаҩра
АҞӘА, ажьырныҳәа 14 — Sputnik. Аԥсны ԥхынҷкәынмза алагамҭа инаркны 130 хҭыс инареиҳаны агрипп шьақәырӷәӷәоуп.
Иахьатәи аамҭазы Аҟәатәи аҿкчымазаратә хәышәтәырҭа уахыки-ҽнаки рыла шәҩык инареиҳаны ачымазцәа аднакылоит. Астационартә хәышәтәра иахысуеит 20-ҩык ахәыҷқәеи 15-ҩык адуцәеи.
Асезонтә грипп ашыкьымҭа ажьырныҳәамза анҵәамҭеи жәабранмза алагамҭеи роуп. Анаҩс ачымазара аҽеиқәнакоит лҳәеит Аԥсны асанитартә ҳақьым хада Алла Белиаева, Аԥсуа телехәаԥшра аинтервиу аҭо.
Аҳҭнықалақь аҿкчымазаратә хәышәтәырҭа ахәыҷтәы ҟәша аиҳабы Гәашьа Ҵәыџьԥҳа лажәақәа рыла, ирыдҵаало ачымазцәа арыхьҭышьра, ашоура ҳаракы, аимҳәа, аԥынҵеихачра, ахәдахьаа шрымоу.
"Сынтәа авирустә гәаҵәкра ирласны аҿиара иаҿуп, аиҳарак зынӡа ихәыҷӡақәоу рҿы", — азгәалҭеит Ҵәыџьԥҳа.
Ахәыҷы ишоура 39 градус еиҳазар, дхьысҳаны, акрыимфо дыҟазар хымԥада аҳақьымцәа ирыдҵаалатәуп лҳәеит лара.
Агрипп — чымазара ӷәӷәоуп, ишахәҭоу ахәшәтәра аҭахуп, ус анакәымха угәабзиара еиҳагьы иуашәшәырхар алшоит, уи иахҟьаны зыԥсҭазаара ианалҵуагьы ыҟоуп. Аиҳарак ишәарҭоуп абыргцәа, зцәа зтәымкәа иҟоу аҳәса, ахәыҷқәа лҳәеит Аԥсны асанитартә ҳақьым хада.
Ачымазара маҷк аҽацәыхьчара алнаршоит — ианаамҭоу алаҵаҟаҵара лҳәеит Белиаева.
Иахьатәи аамҭазы Аҟәатәи аҿкчымазаратә хәышәтәырҭа уахыки-ҽнаки рыла шәҩык инареиҳаны ачымазцәа аднакылоит. Астационартә хәышәтәра иахысуеит 20-ҩык ахәыҷқәеи 15-ҩык адуцәеи.
Асезонтә грипп ашыкьымҭа ажьырныҳәамза анҵәамҭеи жәабранмза алагамҭеи роуп. Анаҩс ачымазара аҽеиқәнакоит лҳәеит Аԥсны асанитартә ҳақьым хада Алла Белиаева, Аԥсуа телехәаԥшра аинтервиу аҭо.
Аҳҭнықалақь аҿкчымазаратә хәышәтәырҭа ахәыҷтәы ҟәша аиҳабы Гәашьа Ҵәыџьԥҳа лажәақәа рыла, ирыдҵаало ачымазцәа арыхьҭышьра, ашоура ҳаракы, аимҳәа, аԥынҵеихачра, ахәдахьаа шрымоу.
"Сынтәа авирустә гәаҵәкра ирласны аҿиара иаҿуп, аиҳарак зынӡа ихәыҷӡақәоу рҿы", — азгәалҭеит Ҵәыџьԥҳа.
Ахәыҷы ишоура 39 градус еиҳазар, дхьысҳаны, акрыимфо дыҟазар хымԥада аҳақьымцәа ирыдҵаалатәуп лҳәеит лара.
Агрипп — чымазара ӷәӷәоуп, ишахәҭоу ахәшәтәра аҭахуп, ус анакәымха угәабзиара еиҳагьы иуашәшәырхар алшоит, уи иахҟьаны зыԥсҭазаара ианалҵуагьы ыҟоуп. Аиҳарак ишәарҭоуп абыргцәа, зцәа зтәымкәа иҟоу аҳәса, ахәыҷқәа лҳәеит Аԥсны асанитартә ҳақьым хада.
Ачымазара маҷк аҽацәыхьчара алнаршоит — ианаамҭоу алаҵаҟаҵара лҳәеит Белиаева.
