"Nestlé" иатәу ахәыҷқәа рыфатә хкқәак Аԥсныҟа аагаразы аԥкрақәа алагалоуп
18:54 15.01.2026 (ирҿыцуп: 20:37 15.01.2026)
© Sputnik / Томас Тхайцук
Анапаҵаҩра
АҞӘА, ажьырныҳәа 15 — Sputnik. "Nestlé" иатәу ахәыҷқәа рыфатә хкқәак Аԥсныҟа аагаразы аԥкрақәа алагалоуп.
Аҳәынҭстандарт ахархәаратә хылаԥшра аҟәша аиҳабы Георги Ҭарба иажәақәа рыла, алагалара аанкыларазы абжьгарақәа аҳәаахьчаратә ҭыԥқәа ирзышьҭуп, атәылаҿы ааалыҵ алгаразы ареидқәа мҩаԥысуеит.
Иара иажәақәа рыла, ЗҲәА "Нестле Россия" аалыҵ алгаразы аилак хатәгәаԥхарала азыҳәа ҟанаҵеит.
Аԥкрақәа ирхыԥхьаӡалоу аалыҵ ахьӡқәа рсиа кьыԥхьхоит Аԥсны аҳәынҭстандарт аофициалтә саит аҟны ҳәа азгәеиҭеит Ҭарба.
Аҳәынҭстандарт ахархәаратә хылаԥшра аҟәша аиҳабы Георги Ҭарба иажәақәа рыла, алагалара аанкыларазы абжьгарақәа аҳәаахьчаратә ҭыԥқәа ирзышьҭуп, атәылаҿы ааалыҵ алгаразы ареидқәа мҩаԥысуеит.
Иара иажәақәа рыла, ЗҲәА "Нестле Россия" аалыҵ алгаразы аилак хатәгәаԥхарала азыҳәа ҟанаҵеит.
Аԥкрақәа ирхыԥхьаӡалоу аалыҵ ахьӡқәа рсиа кьыԥхьхоит Аԥсны аҳәынҭстандарт аофициалтә саит аҟны ҳәа азгәеиҭеит Ҭарба.
Аԥкрақәа ирхыԥхьаӡалоу ахәыҷқәа рыфатә хкқәак рыҭира ааныркылароуп анаплакҩцәа, абас аҳәамҭа ҟаиҵеит Аҳәынҭстандарт ахархәаратә хылаԥшра аҟәша аиҳабы Георги Ҭарба.
Ирҭихьоу аалыҵ ахыԥхьаӡара еилкаатәуп ҳәа азгәеиҭеит иара.
Иара убас Ҭарба аҭаацәа рахь аҳәара ҟаиҵеит уаанӡа иаархәахьаз ахәыҷқәа рыфатә анҭыжьыз арыцхә гәарҭарц. 2025 шықәса мшаԥы 15 инаркны абҵара 27 рҟынӡа иҭыжьзар, насгьы асиа ианызар ахәыҷқәа рыҭара ҟалаӡом — амгәахьааи аҿыхреи рызцәырнагар ҟалоит.
