Аԥсны аҵара аминистрразы зегь реиҳа ихьаау зҵаароуп — арҵаҩцәа разымхара лҳәеит аусбарҭа аиҳабы Хана Гәынба.
Аԥсны аҵара аминистрразы зегь реиҳа ихьаау зҵаароуп — арҵаҩцәа разымхара лҳәеит аусбарҭа аиҳабы Хана Гәынба.
Аԥыза-министр Владимир Делбеи лареи реиԥылараан иазгәалҭеит апроблема шыҟоу ақыҭа школқәа рҿы мацара шакәым, уи аҩыза аҭагылазаашьа ақалақьтә школқәа рҿгьы иҟоуп ҳәа.
Убри аан хазы игоу акатегориақәа ирыҵанакуа арҵаҩцәа руалафахәқәеи ршәарацҵақәеи риндексациа анырра бзиа арҭеит — 2025 шықәсазы урҭ ирыҵанакит 1514-ҩык аԥсшәеи аурыс бызшәеи рырҵаҩцәа, 2044-ҩык акласс анапхгаҩцәа.
Гәынба иазгәалҭеит адгыларатә уснагӡатәқәа ашколқәеи ахәыҷбаҳчақәеи рҟны административтә-нхамҩатә усзуҩцәа шаҵанамкуа.
"Ҳҽазаҳшәоит етап-етапла аиндексациа алагара. Хазы игоу араионқәа рҿы аӡбамҭақәа рыдыркылахьеит. Азҵаара аус адаҳулоит, алшарақәа ҳрышьҭоуп", — иҳәеит Владимир Делба.
Делба иажәақәа рыла, рашәара 1 аҟынӡа абжьаратә уалафахәы ахныҟәгаратә маҵ азааигәатәразы ажәалагалақәа шыҟаҵатәу.
