Иԥсҭазаара далҵит раԥхьатәи аԥсуа антрополог Пиотр Кәыҵниа
16:20 26.01.2026 (ирҿыцуп: 16:35 26.01.2026)
© telegram sputnik_apsny_info
/ Анапаҵаҩра
АҞӘА, ажьырныҳәа 26 — Sputnik. Иԥсҭазаара далҵит раԥхьатәи аԥсуа антрополог Пиотр Кәыҵниа.
Абри атәы Sputnik иазеиҭеиҳәеит Аԥсуаҭҵааратә институт аиҳабы Арда Ашәба.
Кәыҵниа 81 шықәса ихыҵуан.
"Аԥсуа ҭҵаарадырраҿы ираԥхьатәииз антропологын, иара заҵәык иоуп иҳамаз. Иара аетнологк иаҳасабала иҭиҵаауан аԥсуаа ркультура, рҵас, рқьабз, ргенеалогиа, абиологиатә ҭҵаарадыррақәа дыркандидатын", — инаҵшьны иазгәеиҭеит Ашәба.
Аԥсуаҭҵааратә институт аҟны аусура даналага инаркны Пиотр Кәыҵниа аҭҵаарадырра иҽазҵәылхны даҿын, аҭҵаарадырратә интерес ду змоу астатиақәа икьыԥхьуан.
"Аԥсны Аџьынџьтәылатә еибашьраан иҭымҵыз иҭҵааратә усурақәа ахьыҵәахыз Аҭаратәи иҩны рыблит", — еиҭеиҳәеит Арда Ашәба.
Ус шакәызгьы, аибашьра ашьҭахьтәи аамҭазы аҵарауаҩ иҭҵааратә усура ацҵаразы амчқәа иԥшааит. Уи иԥсҭазаара иалҵра аԥсуа ҭҵаарадырразы ицәыӡ дуны иҟалеит ҳәа азгәеиҭеит Ашәба, иагьациҵеит абиологиеи антропологиеи рзы Пиотр Кәыҵниа иусумҭақәак макьанагьы акьыԥхь рымбацт ҳәа.
Пиотр Кәыҵниа диит жьҭаара 2, 1944 шықәсазы Очамчыра араион Аҭара ақыҭан.
1983 шықәсазы акандидаттә диссертациа ихьчеит "Аԥсны иашьагәыҭу ауааԥсыра рморфологиатә ҷыдарақәа" атемала, иара убри ашықәс инаркны аус иуан Гәлиа ихьӡ зху аԥсуа бызшәеи, алитературеи, аҭоурыхи ринститут (иахьатәи Аԥсуаҭҵааратә институт) аетнологиа аҟәшаҿы. 2022 шықәсазы аҭҵаарадырратә усураҿы илшамҭақәа рзы Пиотр Кәыҵниа "Аԥсны Аҳәынҭқарра аҭҵаарадырра зҽаԥсазтәыз аусзуҩ" ҳәа аҳаҭыртә хьӡы ихҵан.
Абри атәы Sputnik иазеиҭеиҳәеит Аԥсуаҭҵааратә институт аиҳабы Арда Ашәба.
Кәыҵниа 81 шықәса ихыҵуан.
"Аԥсуа ҭҵаарадырраҿы ираԥхьатәииз антропологын, иара заҵәык иоуп иҳамаз. Иара аетнологк иаҳасабала иҭиҵаауан аԥсуаа ркультура, рҵас, рқьабз, ргенеалогиа, абиологиатә ҭҵаарадыррақәа дыркандидатын", — инаҵшьны иазгәеиҭеит Ашәба.
Аԥсуаҭҵааратә институт аҟны аусура даналага инаркны Пиотр Кәыҵниа аҭҵаарадырра иҽазҵәылхны даҿын, аҭҵаарадырратә интерес ду змоу астатиақәа икьыԥхьуан.
"Аԥсны Аџьынџьтәылатә еибашьраан иҭымҵыз иҭҵааратә усурақәа ахьыҵәахыз Аҭаратәи иҩны рыблит", — еиҭеиҳәеит Арда Ашәба.
Ус шакәызгьы, аибашьра ашьҭахьтәи аамҭазы аҵарауаҩ иҭҵааратә усура ацҵаразы амчқәа иԥшааит. Уи иԥсҭазаара иалҵра аԥсуа ҭҵаарадырразы ицәыӡ дуны иҟалеит ҳәа азгәеиҭеит Ашәба, иагьациҵеит абиологиеи антропологиеи рзы Пиотр Кәыҵниа иусумҭақәак макьанагьы акьыԥхь рымбацт ҳәа.
Пиотр Кәыҵниа диит жьҭаара 2, 1944 шықәсазы Очамчыра араион Аҭара ақыҭан.
1983 шықәсазы акандидаттә диссертациа ихьчеит "Аԥсны иашьагәыҭу ауааԥсыра рморфологиатә ҷыдарақәа" атемала, иара убри ашықәс инаркны аус иуан Гәлиа ихьӡ зху аԥсуа бызшәеи, алитературеи, аҭоурыхи ринститут (иахьатәи Аԥсуаҭҵааратә институт) аетнологиа аҟәшаҿы. 2022 шықәсазы аҭҵаарадырратә усураҿы илшамҭақәа рзы Пиотр Кәыҵниа "Аԥсны Аҳәынҭқарра аҭҵаарадырра зҽаԥсазтәыз аусзуҩ" ҳәа аҳаҭыртә хьӡы ихҵан.
