https://sputnik-abkhazia.infohttps://t.me/sputnik_apsny_info/15255
Дмитри Медведев: нанҳәа 8 2008 шықәсазы иҟалаз ахҭысқәа сыԥсҭазаара шьаҭанкыла ирыԥсахит
Дмитри Медведев: нанҳәа 8 2008 шықәсазы иҟалаз ахҭысқәа сыԥсҭазаара шьаҭанкыла ирыԥсахит
Sputnik Аҧсны
АҞӘА, жәабран 2 — Sputnik. Нанҳәа 8 2008 шықәсазы иҟалаз ахҭысқәа сыԥсҭазаара шьаҭанкыла ирыԥсахит ҳәа иҳәеит Урыстәыла Ашәарҭадаратә хеилак ахантәаҩы... 02.02.2026, Sputnik Аҧсны
2026-02-02T14:36+0300
2026-02-02T14:36+0300
2026-02-02T15:40+0300
аԥсны
ажәабжьқәа
аахыҵ уаԥстәыла
https://cdnn1.img.sputnik-abkhazia.info/img/07e7/08/1a/1047680564_0:0:2772:1560_1920x0_80_0_0_2431fa300dfe5d5267b02f376a9f628c.jpg
АҞӘА, жәабран 2 — Sputnik. Нанҳәа 8 2008 шықәсазы иҟалаз ахҭысқәа сыԥсҭазаара шьаҭанкыла ирыԥсахит ҳәа иҳәеит Урыстәыла Ашәарҭадаратә хеилак ахантәаҩы ихаҭыԥуаҩ Дмитри Медведев, урыстәылатәи АИХ-қәа аинтервиу рыҭо. "Қәрала акыр уқәыԥшны атәыла ахадас уаналху, инаугӡо аус, убӷа иқәу аидара уанашьцыло – уи уск ауп. Зынӡа даҽа усуп – аибашьратә хҭысқәа рзы аӡбра удумкылар ада ԥсыхәа аныҟам. Сара ииашаҵәҟьаны исҳәар сылшоит уи даара имариам усуп ҳәа", — иҳәеит иара. Медведев иазгәеиҭеит, Аахыҵ Уаԥстәыла ақырҭуа еибашьцәа аҭак рыҭара аӡбамҭа адкыларазы сааҭқәак арратә усбарҭақәа рнапхгареи иареи ҭелла ишеимадаз. Иара иажәақәа рыла, идикылаз аӡбамҭа мариамызт, ақырҭуа режим аокеан нырцәынтәи "аҵәы ахьаҵарҵоз" мацарагьы ҳасаб азуны. "Аха, зегьакоуп, асеиԥшқәа аныҟало, узқәымгәыӷша аелементгьы аҭыԥ амоуп. Ара сгәанала ихадароу, иуҳәо-иууа уақәымшәо акәымкәа, иҟаҵатәу азы иахьынӡалшо ирласны аӡбра адкылароуп. Уи ауп иҟаҵазгьы", — иҳәеит иара.2008 шықәса нанҳәа 7-8 руыха ақырҭуа ар жәларбжьаратәи аиқәшаҳаҭрақәа зегьы еилаганы Цхьынвал иажәлеит. Раԥхьа артиллериамца иаҿашәеит урыстәылатәи абжьаҟазаҩцәа, урҭ ирывагыланы аӷа иагрессиа аԥдырҟәҟәаауан аҭыԥантәи ардыԥхьалақәа реибашьцәагьы. Иара убри аҽныҵәҟьа Урыстәыла, аимак аҿы Аахыҵ Уаԥстәыла иадгылеит. Аибашьра Кавказ анҭыҵ зегьы азы агеополитикатә хҟьаԥҟьа рацәа аиуит. Уи иалҵшәахеит Урыстәыла Аԥсни Аахыҵ Уаԥстәылеи рхьыԥшымра ахьазханаҵаз, Москвеи Қарҭи рыбжьара адипломатиатә еизыҟазаашьақәа ахьаанкылахаз.
аахыҵ уаԥстәыла
Sputnik Аҧсны
media@sputniknews.com
+74956456601
MIA „Rossiya Segodnya“
2026
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аахыҵ уаԥстәыла
ажәабжьқәа, аахыҵ уаԥстәыла
АҞӘА, жәабран 2 — Sputnik. Нанҳәа 8 2008 шықәсазы иҟалаз ахҭысқәа сыԥсҭазаара шьаҭанкыла ирыԥсахит ҳәа иҳәеит Урыстәыла Ашәарҭадаратә хеилак ахантәаҩы ихаҭыԥуаҩ Дмитри Медведев, урыстәылатәи АИХ-қәа аинтервиу рыҭо.
"Қәрала акыр уқәыԥшны атәыла ахадас уаналху, инаугӡо аус, убӷа иқәу аидара уанашьцыло – уи уск ауп. Зынӡа даҽа усуп – аибашьратә хҭысқәа рзы аӡбра удумкылар ада ԥсыхәа аныҟам. Сара ииашаҵәҟьаны исҳәар сылшоит уи даара имариам усуп ҳәа", — иҳәеит иара.
Медведев иазгәеиҭеит, Аахыҵ Уаԥстәыла ақырҭуа еибашьцәа аҭак рыҭара аӡбамҭа адкыларазы сааҭқәак арратә усбарҭақәа рнапхгареи иареи ҭелла ишеимадаз. Иара иажәақәа рыла, идикылаз аӡбамҭа мариамызт, ақырҭуа режим аокеан нырцәынтәи "аҵәы ахьаҵарҵоз" мацарагьы ҳасаб азуны.
"Аха, зегьакоуп, асеиԥшқәа аныҟало, узқәымгәыӷша аелементгьы аҭыԥ амоуп. Ара сгәанала ихадароу, иуҳәо-иууа уақәымшәо акәымкәа, иҟаҵатәу азы иахьынӡалшо ирласны аӡбра адкылароуп. Уи ауп иҟаҵазгьы", — иҳәеит иара.
2008 шықәса нанҳәа 7-8 руыха ақырҭуа ар жәларбжьаратәи аиқәшаҳаҭрақәа зегьы еилаганы Цхьынвал иажәлеит. Раԥхьа артиллериамца иаҿашәеит урыстәылатәи абжьаҟазаҩцәа, урҭ ирывагыланы аӷа иагрессиа аԥдырҟәҟәаауан аҭыԥантәи ардыԥхьалақәа реибашьцәагьы. Иара убри аҽныҵәҟьа Урыстәыла, аимак аҿы Аахыҵ Уаԥстәыла иадгылеит.
Аибашьра Кавказ анҭыҵ зегьы азы агеополитикатә хҟьаԥҟьа рацәа аиуит. Уи иалҵшәахеит Урыстәыла Аԥсни Аахыҵ Уаԥстәылеи рхьыԥшымра ахьазханаҵаз, Москвеи Қарҭи рыбжьара адипломатиатә еизыҟазаашьақәа ахьаанкылахаз.
