Аԥсны Жәлар Реизара I ааԥхьара адепутатцәа рԥылара мҩаԥысит Ауаажәларратә палатаҿы.
18:16 03.02.2026 (ирҿыцуп: 18:26 03.02.2026)
Анапаҵаҩра
Аԥсны Жәлар Реизара I ааԥхьара адепутатцәа рԥылара мҩаԥысит Ауаажәларратә палатаҿы.
Уи азкын хәажәкыра 12 рзы имҩаԥгахо афорум ду "Адиалог. Аиқәшаҳаҭра. Аҿиара".
Апалата амаӡаныҟәгаҩ Гәыли Кьычԥҳа ԥыхьатәи адепутатцәа рыҿцәажәара алҵшәа аман ҳәа ахылҳәааит.
"Афорум мҩаԥаагаанӡа Аԥсны ахадеи ҳареи ҳаилацәажәеит, уи адгылара ҳаиҭеит. Иахьагьы "ахьтәы" Парламент алахәылацәа, ҳаҭыр зқәу ауаа инаҵшьны иазгәарҭеит ас еиԥш иҟоу афорумқәа шаҭаху", — лҳәеит Кьычԥҳа.
Аграждантә форум ду "Адиалог. Аиқәшаҳаҭра. Аҿиара" амҩаԥгара аԥшьнагеит Ауаажәларратә палата. Афорум жәабранмзазы имҩаԥысраны иҟоу астол гьежьқәа хԥа рышьҭахь имҩаԥгахоит. Ихадоу х-хырхарҭакны иҟоуп: адемографиеи, асоциал-економикатә ҿиареи, аполитикатә реформақәеи рызҵаарақәа.