Аԥсны Ақыҭанхамҩа аминистррахь инашьҭуп 700 миллион мааҭ инареиҳаны изҵазкуа арзаҳалқәа
10:16 06.02.2026 (ирҿыцуп: 11:04 06.02.2026)
© Sputnik
/ Анапаҵаҩра
Афермерцәа рыгәҭакқәа рынагӡаразы 212 миллион мааҭ дәықәҵахоит, 130 миллион мааҭ ақыҭанхарҭақәа рыцхыраара иазырхахоит.
АҞӘА, жәабран 6 — Sputnik. Аԥсны Ақыҭанхамҩа аминистррахь инашьҭуп 700 миллион мааҭ инареиҳаны изҵазкуа ақыҭанхамҩа аҿиаразы аҳәынҭқарратә программа алахәхаразы арзаҳалқәа ҳәа арадио Sputnik аефир аҿы иҳәеит аусбарҭа ахада Беслан Џьопуа.
Арҭ арзаҳалқәа 2024, 2025 шықәсқәа рзы иаарышьҭхьан, аха абыуџьет аԥкрақәа ирыхҟьаны аԥаразоужьра ҟаҵамызт.
Арзаҳалқәа рԥаразоужьра 2026 шықәсазы абиуџьет аҟынтәи иҟаҵахоит, уи раԥхьаӡа акәны миллиардбжак инаӡоит.
Апроектқәа рбиуџьетқәа 300 000 мааҭ инаркны 1,5 миллион мааҭ рҟынӡа иҟоуп, урҭ зегьы хазы-хаз ишьақәырӷәӷәахоит Ақыҭанхамҩа аминистрра акомиссиа агәаҭарақәа рышьҭахь.
Афермерцәа рыгәҭакқәа рынагӡаразы 212 миллион мааҭ азоужьра азгәаҭоуп. Даҽа 130 миллион мааҭ ақыҭанхарҭақәа рыцхыраара иазырхахоит. Аҳәынҭқарра ахада иӡбрала ашықәс аҩнуҵҟа қыҭацыԥхьаӡа миллионк-миллионк мааҭ аԥара рзоужьхоит.
Иаанхаз аԥарақәа амашьына-трактортә станциақәеи рыцхраареи, ахимиатә маҭәашьарқәа раахәареи ирзырхахоит.
Уажәазы акомиссиа арзаҳалқәа рыҭҵаара иаҿуп ҳәа азгәеиҭеит Џьопуа. Арзаҳалқәа рыдкылара аамҭала иаанкылоуп. Ари ашықәс азы иаашьҭу арзаҳалқәа иааиуа ашықәс ахь ииагахоит.
Арзаҳалқәа рԥаразоужьра 2026 шықәсазы абиуџьет аҟынтәи иҟаҵахоит, уи раԥхьаӡа акәны миллиардбжак инаӡоит.
Апроектқәа рбиуџьетқәа 300 000 мааҭ инаркны 1,5 миллион мааҭ рҟынӡа иҟоуп, урҭ зегьы хазы-хаз ишьақәырӷәӷәахоит Ақыҭанхамҩа аминистрра акомиссиа агәаҭарақәа рышьҭахь.
Афермерцәа рыгәҭакқәа рынагӡаразы 212 миллион мааҭ азоужьра азгәаҭоуп. Даҽа 130 миллион мааҭ ақыҭанхарҭақәа рыцхыраара иазырхахоит. Аҳәынҭқарра ахада иӡбрала ашықәс аҩнуҵҟа қыҭацыԥхьаӡа миллионк-миллионк мааҭ аԥара рзоужьхоит.
Иаанхаз аԥарақәа амашьына-трактортә станциақәеи рыцхраареи, ахимиатә маҭәашьарқәа раахәареи ирзырхахоит.
Уажәазы акомиссиа арзаҳалқәа рыҭҵаара иаҿуп ҳәа азгәеиҭеит Џьопуа. Арзаҳалқәа рыдкылара аамҭала иаанкылоуп. Ари ашықәс азы иаашьҭу арзаҳалқәа иааиуа ашықәс ахь ииагахоит.
