Дырмит Гәлиа иҩны-амузеи аҿы шьаҭанкыла арҽеиратә усурақәа мҩаԥысуеит
12:13 06.02.2026 (ирҿыцуп: 15:08 06.02.2026)
© Sputnik / Томас Тхайцук
Анапаҵаҩра
АҞӘА, жәабран 6— Sputnik. Дырмит Гәлиа иҩны-амузеи аҿы шьаҭанкыла арҽеиратә усурақәа мҩаԥысуеит ҳәа Sputnik иазеиҭалҳәеит амузеи аиҳабы Светлана Қорсаиаԥҳа.
Аргылаҩцәа ахыбра актәи аихагылаҿы адашьма ақәгара иаҿуп, ажәытә шьых кыдырхуеит. Апластикатә ԥенџьырқәа амҿлых ԥенџьырқәа рыла ирыԥсахуеит, ауадақәа рыбжьара Гәлиа ихаан иҿаз ашәқәа еиҭашьақәдыргылоит.
Аргылаҩцәа ахыбра актәи аихагылаҿы адашьма ақәгара иаҿуп, ажәытә шьых кыдырхуеит. Апластикатә ԥенџьырқәа амҿлых ԥенџьырқәа рыла ирыԥсахуеит, ауадақәа рыбжьара Гәлиа ихаан иҿаз ашәқәа еиҭашьақәдыргылоит.
Ахыбра ахыб ҿыц ақәҵахоит, ахаҿра еиҭашьақәыргылахоит, арԥхареи аҳауеиҭарсреи шьақәыргылахоит.
Аиҭашьақәыргыларатә усурақәа раан иазԥхьагәаҭоуп азал хада арҭбаара, аекспозициатә зал ҿыц аартра – уи Жәлар рпоет иҭаацәа ирызкхоит.
Аҳәынҭбиуџьет ахарџь ала аусурақәа мҩаԥнагоит Аҳәынҭеилахәыра "Аԥсныргылара", иазоужьуп 38 миллион мааҭ.
Амузеи ахьыҟоу ахыбра ргылан 1911 шықәсазы. Аҩны-амузеи аартын 1974 шықәсазы, уи аахыс уа ашьаҭанкыла-арҽеиратә усурақәа мҩаԥгамызт. Амузеи аҿы Жәлар рпоет инапылаҩырақәагьы уахь иналаҵаны 20 нызқь инареиҳаны зыхә ҳараку аекспонатқәа ҵәахуп. Аусурақәа ирылагаанӡа урҭ аамҭала Амилаҭтә библиотека аҵәахырҭахь ииагоуп.
Аҳәынҭбиуџьет ахарџь ала аусурақәа мҩаԥнагоит Аҳәынҭеилахәыра "Аԥсныргылара", иазоужьуп 38 миллион мааҭ.
Амузеи ахьыҟоу ахыбра ргылан 1911 шықәсазы. Аҩны-амузеи аартын 1974 шықәсазы, уи аахыс уа ашьаҭанкыла-арҽеиратә усурақәа мҩаԥгамызт. Амузеи аҿы Жәлар рпоет инапылаҩырақәагьы уахь иналаҵаны 20 нызқь инареиҳаны зыхә ҳараку аекспонатқәа ҵәахуп. Аусурақәа ирылагаанӡа урҭ аамҭала Амилаҭтә библиотека аҵәахырҭахь ииагоуп.
