https://sputnik-abkhazia.info/20260223/1061248295.html

Згәабзиарала зылшарақәа ԥку ахәыҷқәа злахәу аспектакль апресс-рбара мҩаԥысит РУСДРАМ аҿы

Згәабзиарала зылшарақәа ԥку ахәыҷқәа злахәу аспектакль апресс-рбара мҩаԥысит РУСДРАМ аҿы

Sputnik Аҧсны

АҞӘА, жәабран 23 — Sputnik. Згәабзиарала зылшарақәа ԥку ахәыҷқәа злахәу аспектакль "Афырхацәаҵәҟьақәа" апресс-рбара мҩаԥысит РУСДРАМ аҿы. 23.02.2026, Sputnik Аҧсны

2026-02-23T21:51+0300

2026-02-23T21:51+0300

2026-02-23T22:12+0300

sputnik аԥсны

аԥсны

аԥсны

ажәабжьқәа

https://cdnn1.img.sputnik-abkhazia.info/img/07ea/02/17/1061248470_0:5:843:479_1920x0_80_0_0_fea81ebf3745e8872c769fdac3489b82.jpg

АҞӘА, жәабран 23 — Sputnik. Згәабзиарала зылшарақәа ԥку ахәыҷқәа злахәу аспектакль "Афырхацәаҵәҟьақәа" апресс-рбара мҩаԥысит РУСДРАМ аҿы.Уи шьаҭас иамоуп ан иеиҭалҳәаз лыҷкәын иҭоурых.Давид — згәабзиарала зылшарақәа ԥку хәыҷуп, иара ашкол аҿы арҵаҩцәа рымч иқәхом. Аурокқәа рҿы ишиҭаху ихы мҩаԥигоит, арҵаҩцәа рыстол дықәгыланы ашәа иҳәоит, уи иахҟьаны ашкол иҭцаразы азҵаара ықәгылоуп.Ақәыргыламҭа иалахәын 40-ҩык инареиҳаны ахәыҷқәа, ақәыргыламҭа аҳаразы ауадаҩрақәа змаз ахәыҷқәа рзы ирманшәалан, ацхыраара рылҭон анапырхахаратә бызшәа (жестовый язык — аред.) аиҭагаҩ. Згәабзиарала зылшарақәа ԥку ахәыҷқәа асценаҿы ажәеинраалақәа ирыԥхьон, афлеита адырҳәон, анапырхахаратә ашәа нарыгӡон. Амузыкатә қәыргыламҭақәа еиҿкаан академиа "Ахәырма" аҟынтәи аҟазауаа рыцхыраарала.Ақәыргыламҭа арежиссиор Џьамбул Жорданиа иажәақәа рыла, аҽазыҟаҵарақәа ҩымш ракәын ианцоз, актиорцәа қәыԥшцәа ирықәыз аидара аҵгәара рылшеит.Аспектакль далахәын Москватәи атеатр актиор Михаил Бабичев.Апроект "Ҳәаа змам аҟазареи" акультура-гәыҳалалратә фонд "Ашанеи" РУСДРАМи еицынарыгӡоит, Sputnik Аԥсны аинформациатә дгылареи Ауаажәларратә еиҿкаара "Аԥсны аԥеиԥши" афинанстә цхыраареи рыла.Аспектакль аԥхьарбара азгәаҭоуп жәабран 24 рзы. Аԥарақәа зегьы афонд "Ашана"хылаԥшра знаҭо ахәыҷқәа ирзырхахоит.

2026

Ажәабжьқәа

ab_AB

sputnik аԥсны, аԥсны, ажәабжьқәа