https://sputnik-abkhazia.infohttps://t.me/sputnik_apsny_info/15734

Михаил Гәынба диижьҭеи 100-шықәса аҵра аҳаҭыраз аҭҵаарадырратә сессиа мҩаԥысуеит Аҟәа

Михаил Гәынба диижьҭеи 100-шықәса аҵра аҳаҭыраз аҭҵаарадырратә сессиа мҩаԥысуеит Аҟәа

Sputnik Аҧсны

АҞӘА, жәабран 24 — Sputnik. Аҭоурыхҭҵааҩ, археолог, аетногроф Михаил Гәынба диижьҭеи 100-шықәса аҵра аҳаҭыраз аҭҵаарадырратә сессиа аатит Аԥсуаҭҵааратә... 24.02.2026, Sputnik Аҧсны

2026-02-24T21:36+0300

2026-02-24T21:36+0300

2026-02-24T22:26+0300

sputnik аԥсны

аԥсны

аԥсны

ажәабжьқәа

https://cdnn1.img.sputnik-abkhazia.info/img/07e8/02/12/1050195480_0:160:3072:1888_1920x0_80_0_0_078efc1fb11234d020e62d3366bac069.jpg

АҞӘА, жәабран 24 — Sputnik. Аҭоурыхҭҵааҩ, археолог, аетногроф Михаил Гәынба диижьҭеи 100-шықәса аҵра аҳаҭыраз аҭҵаарадырратә сессиа аатит Аԥсуаҭҵааратә институт аҟны.Ассесиа жәабран 27 рҟынӡа имҩаԥыслоит, уи еиднакылоит аҭоурыхи, аетнологиеи, археологиеи, алитературеи, абызшәеи рхырхарала аҭҵаарақәа рылҵшәақәа. Ажәахәқәа ҟарҵоит 60-ҩык инареиҳаны аҵарауаа. Аҧсуаҭҵааратә институт аиҳабы Арда Ашәба иажәақәа рыла, Гәынба атәыла аҭоурых аҭҵаараҿы илагала дууп."Михаил Гәынба иналукааша ҵарауаҩын. Иусумҭақәа аҵак ду рымоуп, урҭ Аԥсны аҭоурыхи археологиеи аазырԥшуа ганрацәалатәи ҭҵаамҭақәоуп", – ҳәа азгәеиҭеит Ашәба. Аԥсуаҭҵааратә институт аҿы Гәынба иусумҭақәа реизга аҭыжьра азгәаҭоуп иҳәеит Ашәба.Михаил Гәынба — еицырдыруа аҵарауаҩ-аԥсуаҭҵааҩы, археолог, аҭоурыхҭҵааҩ. Диит Аҷандара ақыҭан 1925 шықәсазы, 1964 шықәсазы акандидаттә диссертациа ихьчеит.Гәынба Аԥсны аҭоурых аҿы ихьшәоу, заатәи абжьарашәышықәсазтәи аамҭақәа ҭиҵааит, Аҭара ақыҭан имҩаҧысуаз археологиатә жрақәа напхгара риҭон, иара убас Аҟәатәи абааи Ҵабал ақыҭани.Аҵарауаҩ иԥсҭазаара далҵит 2014 шықәсазы.

2026

Ажәабжьқәа

ab_AB

sputnik аԥсны, аԥсны, ажәабжьқәа