Апроект "Международное технонаставничество" Аԥсны ашколқәа рҿы иаладырҵәоит
13:07 25.02.2026 (ирҿыцуп: 17:15 25.02.2026)
© Screenshot
Анапаҵаҩра
АҞӘА, жәабран 25 — Sputnik. Апроект "Международное технонаставничество" Аԥсны ашколқәа рҿы иаладырҵәоит.
ААУ аҟны иҟоу Жәлар рдипломатиа ацентри Новосибирсктәи аҳәынҭқарратә техникатә университети иаздырхиаз апрограмма хықәкыс иамоуп еиҵагыло абиԥара, ԥхьаҟатәи астудентцәа анџьнырра абзиабара рылааӡара.
ААУ аҟны иҟоу Жәлар рдипломатиа ацентри Новосибирсктәи аҳәынҭқарратә техникатә университети иаздырхиаз апрограмма хықәкыс иамоуп еиҵагыло абиԥара, ԥхьаҟатәи астудентцәа анџьнырра абзиабара рылааӡара.
НАТУ-и ААУ-и рыстудентцәа-анџьнырцәа иахьа аҟәатәи 5-тәи ашкол аҿы аӡыргара мҩаԥыргеит. Атеориатә хәҭа ашьҭахь ашколхәыҷқәа рылшарақәа раарԥшразы апрактикатә зыҟаҵарақәа мҩаԥгахоит.
"Ҳара еиҭаҳҳәоит анџьнырцәа рус шеиԥшым, иарбан дыррақәоу иаҭаху, иара нџьнырс уҟаларц шалшо атәы, уи адагьы ахәыҷқәа еиҳа аинтерес зызрымоу – улафахәыс ироур ауа", — ҳәа еиҭеиҳәеит амҩақәҵаҩцәа ируаӡәку, Новосибирсктәи аҳәынҭқарратә университет амагистратура астудент Данил Заремба.
Аԥсны Апарламент адепутат, аенергетик Резо Занҭариа ашколхәыҷқәа ирзеиҭеиҳәеит азанааҭ ҿыц адырразы алшара рхы ишадырхәаша, аиҳабацәа хра злоу рԥышәа ишышьҭырхша.
"Международное технонаставничество" аӡыргара ашьҭахь уи аинтерес змоу аҿар агәыԥ иалалар, амҩақәҵаҩцәеи дареи еиуеиԥшым апроектқәа ирылахәхар рылшоит.
"Международное технонаставничество" аӡыргара ашьҭахь уи аинтерес змоу аҿар агәыԥ иалалар, амҩақәҵаҩцәеи дареи еиуеиԥшым апроектқәа ирылахәхар рылшоит.
