Гагратәи араионтә телехәаԥшра 20 шықәса ахыҵра иазкыз аныҳәатә усмҩаԥгатә мҩаԥысит
23:01 25.02.2026 (ирҿыцуп: 23:32 25.02.2026)
© Depositphotos.com / Pakhay
Анапаҵаҩра
АҞӘА, жәабран 25 — Sputnik. Гагратәи араионтә телехәаԥшра 20 шықәса ахыҵра иазкыз аныҳәатә усмҩаԥгатә мҩаԥысит Томас Кәакәасқьыр ихьӡ зху Акультура ахан аҿы.
Афоие аҿы еиуеиԥшым аамҭақәа рзы "Гагра-АТ" аҭоурых зныԥшуа афотоцәыргақәҵа еиҿкаан.
"Афотосахьақәа рҿы иаарԥшуп ателехәаԥшра усзуҩцәа Аԥсны иаҭааз, ҳара иҭаҳхыз еицырдыруа ауаа ирыдгыланы. Иара убас аусура аамҭазы иҭыхызгьы", — ҳәа иҳәеит "Гагра-АТ" анапхгаҩы Беслан Амԥар.
Асасцәа алшара рыман араионтә телехәаԥшра аусура излалагаз амаругақәа — акассетақәа, авидеомагнитофон, амикрофон, ателесуфлиор уҳәа рбара.
Акультура ахан аҿы идырбан Гагратәи ателехәаԥшра аҭоурых зегьы аазырԥшуаз авидео.
Афоие аҿы еиуеиԥшым аамҭақәа рзы "Гагра-АТ" аҭоурых зныԥшуа афотоцәыргақәҵа еиҿкаан.
"Афотосахьақәа рҿы иаарԥшуп ателехәаԥшра усзуҩцәа Аԥсны иаҭааз, ҳара иҭаҳхыз еицырдыруа ауаа ирыдгыланы. Иара убас аусура аамҭазы иҭыхызгьы", — ҳәа иҳәеит "Гагра-АТ" анапхгаҩы Беслан Амԥар.
Асасцәа алшара рыман араионтә телехәаԥшра аусура излалагаз амаругақәа — акассетақәа, авидеомагнитофон, амикрофон, ателесуфлиор уҳәа рбара.
Акультура ахан аҿы идырбан Гагратәи ателехәаԥшра аҭоурых зегьы аазырԥшуаз авидео.
"Ҳара ирацәаны иҭаҳхит Аԥсны Аџьынџьтәылатә еибашьра аветеранцәа, аԥсадгьыл зхы ақәызҵаз афырхацәа ирызкны ателеочеркқәеи адырраҭарақәеи. Уи адагьы аусзуҩцәа зегьы авидео кьаҿқәа ҭырхит раԥхьаӡа ателехәаԥшрахьы ишааиз, русура раԥхьатәи амшқәа. Аҵыхәтәаны ателехәаԥшцәа иҟарҵаз адныҳәаларақәеи ҳканал аҿы ирбарц ирҭаху ргәазыҳәарақәеи дҳарбеит", — ҳәа азгәеиҭеит Амԥар.
Апрограммаҿы иҟан Владислав Арӡынба Ҭырқәтәыла иҟоу аԥсуа диаспора рҭаара иазку ателефильм дырбара.
"Акорреспондент Саида Жьиԥҳа лыпрограмма ари аныҟәара иазкын. Иҳаҩсыз ашықәс азы 19 минуҭ иҟоу ари афильм Владислав Арӡынба диижьҭеи 80 шықәса аҵра иазкны Ажурналистцәа реидгыла имҩаԥнагаз аицлабраҿы ахԥатәи аҭыԥ иаԥсахеит", — ҳәа иҳәеит аканал аиҳабы.
Иара убас, аныҳәа дырлахҿыхит ахәыҷтәы ансамбльқәа "Афырҭыни" "Нарҭи" рықәгыларақәа рыла.
Аусмҩаԥгатә адгылара арҭеит Гагра араион анапхгареи ақалақь ахадара акультура аҟәшеи.
Гагра араионтә телехәаԥшра раԥхьаӡа акәны аефир ахь иҭыҵит ажьырныҳәа 13 2026 шықәсазы.
Аусмҩаԥгатә адгылара арҭеит Гагра араион анапхгареи ақалақь ахадара акультура аҟәшеи.
Гагра араионтә телехәаԥшра раԥхьаӡа акәны аефир ахь иҭыҵит ажьырныҳәа 13 2026 шықәсазы.
