Адгәыр Ҳаразиа иус азы ашаҳаҭцәа рҿахәы рҿырхит Иреиҳаӡоу аӡбарҭаҿы
14:23 26.02.2026 (ирҿыцуп: 16:30 26.02.2026)
© Sputnik / Томас Тхайцук
Анапаҵаҩра
АҞӘА, жәабран 26 — Sputnik. Апарламент ԥыхьатәи адепутат Адгәыр Ҳаразиа иус азы ашаҳаҭцәа рҿахәы рҿыхра иахьа иацҵан Иреиҳаӡоу аӡбарҭаҿы.
Аппарат аусзуҩцәа хәҩык еиҭарҳәеит 2024 шықәса ԥхынҷкәын 19 рзы Апарламент аилактә еилатәараҿы иҟалаз аҭагылазаашьақәа ртәы.
Ашаҳаҭцәа рхаҭақәа ахысрақәа раан аилатәара азал аҿы иҟамызт, аха 3-4 хысбыжь раҳаит, уи ашьҭахь идәылҵны ааха зауз ацхыраара рырҭо иалагеит, ацхыраара ласы иԥхьеит.
Убри аан, дара аӡәгьы издырӡом аимак зыхҟьаз.
Аӡбарҭа анаҩстәи аилатәара мҩаԥгахоит хәажәкыра 12 асааҭ 12: 00 рзы.
2024 шықәса ԥхынҷкәын 19 рзы Апарламент аҟны иҟалаз ахысрақәа ирыхҟьаны дшьын адепутат Вахтанг Гәаланӡиа, дхәын адепутат Кан Кәарҷиа. Ацәгьоуразы ахара идырҵоит рколлега Адгәыр Ҳаразиа.
Ԥхынҷкәын 21 рзы Ҳаразиа адепутаттә лакьымсра ихыхын, 2025 шықәса лаҵара 20 рзы изинмчрақәа заанаҵы иаанкылан.
Ҳаразиа иганахь ала ашьаус Иреиҳаӡоу аӡбарҭахь инашьҭын цәыббра 23 рзы.
Аппарат аусзуҩцәа хәҩык еиҭарҳәеит 2024 шықәса ԥхынҷкәын 19 рзы Апарламент аилактә еилатәараҿы иҟалаз аҭагылазаашьақәа ртәы.
Ашаҳаҭцәа рхаҭақәа ахысрақәа раан аилатәара азал аҿы иҟамызт, аха 3-4 хысбыжь раҳаит, уи ашьҭахь идәылҵны ааха зауз ацхыраара рырҭо иалагеит, ацхыраара ласы иԥхьеит.
Убри аан, дара аӡәгьы издырӡом аимак зыхҟьаз.
Аӡбарҭа анаҩстәи аилатәара мҩаԥгахоит хәажәкыра 12 асааҭ 12: 00 рзы.
2024 шықәса ԥхынҷкәын 19 рзы Апарламент аҟны иҟалаз ахысрақәа ирыхҟьаны дшьын адепутат Вахтанг Гәаланӡиа, дхәын адепутат Кан Кәарҷиа. Ацәгьоуразы ахара идырҵоит рколлега Адгәыр Ҳаразиа.
Ԥхынҷкәын 21 рзы Ҳаразиа адепутаттә лакьымсра ихыхын, 2025 шықәса лаҵара 20 рзы изинмчрақәа заанаҵы иаанкылан.
Ҳаразиа иганахь ала ашьаус Иреиҳаӡоу аӡбарҭахь инашьҭын цәыббра 23 рзы.
