1,5 млн мааҭ инарзынаԥшу афымцалашара ахә ршәахьеит "Амшынеиқәафымцамч" аҭел цҵала
22:41 05.03.2026 (ирҿыцуп: 00:07 06.03.2026)
© Sputnik / Томас Тхайцук
Анапаҵаҩра
1,5 млн мааҭ инарзынаԥшу афымцалашара ахә ршәахьеит "Амшынеиқәафымцамч" аҭел цҵала ҳәа атәыла ахада Бадра Гәынба изеиҭеиҳәеит аилахәыра аиҳабы Ҭемыр Џьынџьал.
Уаҟа хәнызқьҩык абонентцәа рыҽҭаргалахьеит. Макьана аҵҵа аԥышәаратә режим ала аус ауеит, насгьы аԥсахрақәа алагалахоит ахархәаҩцәа ргәаанагарақәа ҳасаб рзуны.
Уаҟа хәнызқьҩык абонентцәа рыҽҭаргалахьеит. Макьана аҵҵа аԥышәаратә режим ала аус ауеит, насгьы аԥсахрақәа алагалахоит ахархәаҩцәа ргәаанагарақәа ҳасаб рзуны.
Бадра Гәынба иазгәеиҭеит, аенергетика аусзуҩцәа қәҿиарала рҿаԥхьа иқәгылаз ахыдҵа шынарыгӡаз Аԥсны ҭагалан-аӡынтәи аамҭазы алашара еиԥҟьарада аиуразы.
"Амшынеиқәафымцамч" аиҳабы иҳәеит аенергетикатә кризис системала аиааиразы ашьаҿақәа шыҟаҵоу. Аҭел цҵа адагьы, ашәаратә процесс армариеит аԥхын Урыстәылантәи афымцамч аахәара, уи иалнаршеит Џьуартәи аеизакырҭаҿ аӡы аиқәырхара, хәыда-ԥсада Урыстәылантәи алашара аиура, аԥхьаӡагатә хархәагақәа рықәыргылара.
Уажәы аенергетика аусзуҩцәа рҿаԥхьа дҵаны иқәгылоуп 2027 шықәса алагамҭазы ЕгрыГес ахархәаразы ауснагӡа аиқәыршәара, сынтәа аасҭа аӡеизакырҭаҿ аӡы аизырҳаразы.
Иазгәеиҭеит Аҟәа Аҳабла ҿыц аҿы аԥхьаӡагақәа 1000 шықәдыргылахьоу. Убри аан, аҟазацәа иажәыз афымцаҳақәа шырыԥсауа, уи амчхара ахаҭабзиара еиӷьнатәуеит, амашәырқәа рхыԥхьаӡара армаҷуеит.
Иара убас, Бадра Гәынба акоммерциатә хаҿқәа рыбжьара ашәарақәа ахылаԥшра арҭарц адҵа ҟаиҵеит.
Иазгәеиҭеит Аҟәа Аҳабла ҿыц аҿы аԥхьаӡагақәа 1000 шықәдыргылахьоу. Убри аан, аҟазацәа иажәыз афымцаҳақәа шырыԥсауа, уи амчхара ахаҭабзиара еиӷьнатәуеит, амашәырқәа рхыԥхьаӡара армаҷуеит.
Иара убас, Бадра Гәынба акоммерциатә хаҿқәа рыбжьара ашәарақәа ахылаԥшра арҭарц адҵа ҟаиҵеит.
