Захарова: Аԥсни Урыстәылеи реизыҟазаашьақәа ԥхьаҟа ицоит
17:01 12.03.2026 (ирҿыцуп: 17:18 12.03.2026)
© Sputnik / Томас Тхайцук
Анапаҵаҩра
АҞӘА, хәажәкыра 12 — Sputnik. Аԥсни Урыстәылеи реизыҟазаашьақәа ԥхьаҟа ицоит, иҿиоит ҳәа лҳәеит Урыстәыла адәныҟатәи аусқәа рминистрра аофициалтә хаҭарнак Мариа Захарова, Sputnik Аԥсны азҵаара аҭак ҟаҵо.
"Аҵыхәтәантәи ашықәс иалагӡаны агуманитартә, аекономикатә, еиуеиԥшым егьырҭ ахырхарҭақәа рҿы еицырзыфеидоу апроектқәа рацәаны инагӡоуп. Иазгәасҭар сҭахуп, иаҳҳәап, Аҟәатәи аҳаирбаӷәаза аусура аиҭахацыркра. Уи урыстәылатәи аинвестор еиҭашьақәиргылеит", — ҳәа азгәалҭеит лара.
Иара убас Адлернтәи Аҟәанӡа афымцадәыӷбақәа бжьаҵан, амемориалтә баҟақәа еиҭашьақәыргылан, ахәыҷқәа рдиспансеризациа мҩаԥган, амедицинатә усҳәарҭақәеи аҵара усбарҭақәа рматериал-техникатә база еиӷьыртәит ҳәа еиқәылыԥхьаӡеит Захарова.
"Ҳәарада, абарҭқәа зегьы ареспублика ианыԥшит, уи иаҭаауа урыстәылатәи атуристцәа рзы еиҳагьы иманшәалахеит. Аԥсны урыстәылаа рзы еиҳагьы улаԥш зыдхало ԥсшьарҭа ҭыԥны иҟарҵеит", — азгәалҭеит адипломат.
Захарова иазгәалҭеит Урыстәыла ацхыраарала Аԥсны ишынарыгӡо 2026-2030 шықәсқәа рызтәи асоциал-економикатә ҿиара аҳәынҭқарратә программа ҿыц, 2026-2028 шықәсқәа рызтәи аҿиара ацхрааразы аинвестициатә программа.
Уи адагьы, акультуратә, астуденттә, аспорттә усмҩаԥгатәқәа еицымҩаԥысуеит. Ари аус зегьы иацҵахоит — Урыстәылеи Аԥсни рыжәларқәа реизҳазыӷьаразы ҳәа лажәа хлыркәшеит Захарова.
"Аҵыхәтәантәи ашықәс иалагӡаны агуманитартә, аекономикатә, еиуеиԥшым егьырҭ ахырхарҭақәа рҿы еицырзыфеидоу апроектқәа рацәаны инагӡоуп. Иазгәасҭар сҭахуп, иаҳҳәап, Аҟәатәи аҳаирбаӷәаза аусура аиҭахацыркра. Уи урыстәылатәи аинвестор еиҭашьақәиргылеит", — ҳәа азгәалҭеит лара.
Иара убас Адлернтәи Аҟәанӡа афымцадәыӷбақәа бжьаҵан, амемориалтә баҟақәа еиҭашьақәыргылан, ахәыҷқәа рдиспансеризациа мҩаԥган, амедицинатә усҳәарҭақәеи аҵара усбарҭақәа рматериал-техникатә база еиӷьыртәит ҳәа еиқәылыԥхьаӡеит Захарова.
"Ҳәарада, абарҭқәа зегьы ареспублика ианыԥшит, уи иаҭаауа урыстәылатәи атуристцәа рзы еиҳагьы иманшәалахеит. Аԥсны урыстәылаа рзы еиҳагьы улаԥш зыдхало ԥсшьарҭа ҭыԥны иҟарҵеит", — азгәалҭеит адипломат.
Захарова иазгәалҭеит Урыстәыла ацхыраарала Аԥсны ишынарыгӡо 2026-2030 шықәсқәа рызтәи асоциал-економикатә ҿиара аҳәынҭқарратә программа ҿыц, 2026-2028 шықәсқәа рызтәи аҿиара ацхрааразы аинвестициатә программа.
Уи адагьы, акультуратә, астуденттә, аспорттә усмҩаԥгатәқәа еицымҩаԥысуеит. Ари аус зегьы иацҵахоит — Урыстәылеи Аԥсни рыжәларқәа реизҳазыӷьаразы ҳәа лажәа хлыркәшеит Захарова.
