Аԥсны ахада ихаҭыԥуаҩ, Аҟәатәи амшынԥшаҳәа аиҭашьақәыргыларазы иаԥҵоу аоперштаб ахантәаҩы Беслан Бигәаа аргыларатә усурақәа шцо агәаҭаразы даҭааит.
19:59 19.03.2026 (ирҿыцуп: 20:06 19.03.2026)
© telegram sputnik_apsny_info
/ Анапаҵаҩра
Аԥсны ахада ихаҭыԥуаҩ, Аҟәатәи амшынԥшаҳәа аиҭашьақәыргыларазы иаԥҵоу аоперштаб ахантәаҩы Беслан Бигәаа аргыларатә усурақәа шцо агәаҭаразы даҭааит.
Аҳҭнықалақь ахада Ҭемыр Агрба Бигәаа изеиҭеиҳәеит археологиатә жрақәа ахьымҩаԥсыуа аԥшаҳәа ахәҭаҟны аусурақәа рхыркәшарахьы ишнагоу, аҟазауаа даҽа мызкы аҟара рҭаххоит ҳәа, абри атәы аанацҳауеит ахада ипресс-маҵзура.
Иара убас Аҟәа ахада иазгәеиҭеит археологиатә ԥшаахақәа реиқәырхаразы аԥшаҳәа аҭоурыхтә хәҭа аиҭашьақәыргаларазы аконцепциа шыԥсаххо, иааиуа амчыбжь иалагӡаны ахәаԥшразы атәыла ахада иахь еиуеиԥшым авариантқәа шынашьҭхо, уи ашьҭахь Ақалақьргыларатә хеилак аҟны иалацәажәоит.
Аԥшаҳәа егьырҭ аҭыԥқәа рҿы аргыларатә усурақәа ирыцҵоуп, аҿҳәарақәа рыҽрықәдыршәарц азы ҩба-ҩба гәыԥ аус руеит.
