Аԥсны ахада Бадра Гәынба Лыхны ақыҭан ашьапылампылтә дәы маҷ аартра далахәын
13:00 27.03.2026 (ирҿыцуп: 13:22 27.03.2026)
© Sputnik / Томас Тхайцук
Анапаҵаҩра
АҞӘА, хәажәкыра 27 — Sputnik. Аԥсны ахада Бадра Гәынба Лыхны ақыҭан ашьапылампылтә дәы маҷ аартра далахәын.
Еизаз рҿаԥхьа дықәгыло атәыла ахада иазгәеиҭеит сынтәатәи ашықәс Ақыҭа иашықәсны ишрылаҳәоу, ари аӡбамҭа ажәлар ртрадициақәеи рдоуҳатә культуреи ахьыҵәаху ақыҭақәа реиқәырхареи рырҿиареи ишазырхоу.
"Ҳара ибзиаӡаны еилаҳкаауеит ақыҭа аиқәырхара аҵакы, аԥеиԥш ҳаур ҳҭахызар ҳқыҭақәа рҿиалатәуп. Егьырҭ ажәларқәа ҳрылызкаауа ҳбызшәоуп, уи иахьа ауадаҩра иҭагылоуп, зегьы ҳаидгыланы аиқәырхараҿы аџьабаа ҳбароуп. Ақыҭа аиқәырхара уи аҳәынҭқарра аиқәырхароуп, ажәлар реиқәырхароуп", — иҳәеит Гәынба.
Ашьапылампылтә дәы маҷ аргылара хацыркын 2025 шықәса лаҵарамзазы аҳәынҭқарра ахада инапынҵала. Аусурақәа мҩаԥган ареспубликатә биуџьет ахарџь ала. Адәы 800 метр ԥшьыркца аҵанакуеит, иԥсабаратәым ашьац шьҭарҵеит, арлашагақәеи ахкаареи ықәдыргылеит. 150 ҭыԥ змоу х-еихагылак змоу атәарҭақәа ргылоуп, ахьчагатә ҿхыб ықәыргылоуп.
Еизаз рҿаԥхьа дықәгыло атәыла ахада иазгәеиҭеит сынтәатәи ашықәс Ақыҭа иашықәсны ишрылаҳәоу, ари аӡбамҭа ажәлар ртрадициақәеи рдоуҳатә культуреи ахьыҵәаху ақыҭақәа реиқәырхареи рырҿиареи ишазырхоу.
"Ҳара ибзиаӡаны еилаҳкаауеит ақыҭа аиқәырхара аҵакы, аԥеиԥш ҳаур ҳҭахызар ҳқыҭақәа рҿиалатәуп. Егьырҭ ажәларқәа ҳрылызкаауа ҳбызшәоуп, уи иахьа ауадаҩра иҭагылоуп, зегьы ҳаидгыланы аиқәырхараҿы аџьабаа ҳбароуп. Ақыҭа аиқәырхара уи аҳәынҭқарра аиқәырхароуп, ажәлар реиқәырхароуп", — иҳәеит Гәынба.
Ашьапылампылтә дәы маҷ аргылара хацыркын 2025 шықәса лаҵарамзазы аҳәынҭқарра ахада инапынҵала. Аусурақәа мҩаԥган ареспубликатә биуџьет ахарџь ала. Адәы 800 метр ԥшьыркца аҵанакуеит, иԥсабаратәым ашьац шьҭарҵеит, арлашагақәеи ахкаареи ықәдыргылеит. 150 ҭыԥ змоу х-еихагылак змоу атәарҭақәа ргылоуп, ахьчагатә ҿхыб ықәыргылоуп.
Лыхны ақыҭа ахадара ахыбраҟны аремонт ҟаҵоуп аҳәынҭқарра ацхыраара иабзоураны иҳәеит Аԥсны Жәлар Реизара адепутат Аслан Лакоба, ашьапылампылтә дәы маҷ аартраан данықәгылоз.
Аҿар рааӡара, аибааӡара раԥхьа иҳазгылоуп ҳәа азгәеиҭеит иара.
"Аамҭа кьаҿк иалагӡаны ақыҭа ахадараҟны ашәқәеи аԥенџьырқәеи зегьы ԥсахын, ҩ-залк аартын. Лыхны иҳамоуп ашьапылампыласцәа ҩ-гәыԥк, аҽыбӷаҟазацәа, абоксиорцәа, ақәԥаҩцәа, абарҭқәа ақыҭа аиқәыраҿы иацызго акгьы ыҟаӡам", — иҳәеит адепутат.
