https://sputnik-abkhazia.info/20260327/1061934215.html

Аԥсуа театр аспектакль "Акрал Лир" аԥхьарбара азырхиара иаҿуп

Аԥсуа театр аспектакль "Акрал Лир" аԥхьарбара азырхиара иаҿуп

Sputnik Аҧсны

АҞӘА, хәажәкыра 27 — Sputnik. Аԥсуа театр аспектакль "Акрал Лир" аԥхьарбара азырхиара иаҿуп ҳәа Sputnik иазеиҭеиҳәеит арежиссиор-ақәыргылаҩ Адгәыр... 27.03.2026, Sputnik Аҧсны

2026-03-27T16:33+0300

2026-03-27T16:33+0300

2026-03-27T16:50+0300

sputnik аԥсны

аԥсны

аԥсны

ажәабжьқәа

акультура

https://cdnn1.img.sputnik-abkhazia.info/img/07e8/02/13/1050215807_0:160:3072:1888_1920x0_80_0_0_52d684cea740b06774633da15d9d0976.jpg

АҞӘА, хәажәкыра 27 — Sputnik. Аԥсуа театр аспектакль "Акрал Лир" аԥхьарбара азырхиара иаҿуп ҳәа Sputnik иазеиҭеиҳәеит арежиссиор-ақәыргылаҩ Адгәыр Ақаҩба.Аҽазыҟаҵарақәа ирылагеит мызкы аԥхьа. Арольқәа еихшоуп, аусура еилашуеит."Ҳара аамҭа рацәак ҳаман ҳаҟаӡам, маҷк ҳаццакыр акәхоит. Аԥхьарбара азгәаҭоуп мшаԥымза аҽеиҩшамҭазы. Аспектакль иалахәуп апрофессионалцәа, иазыҟаҵоу актиорцәа. Хаҭала сара, урҭ аус рыцура агәахәара ду снаҭоит", — азгәеиҭеит Ақаҩба.Асценографиеи акостиумқәеи инапы иануп асахьаҭыхыҩ Игор Панченко. Ари атеатр аҿы раԥхьатәи иусумҭоуп.Аспектакль аҿы акостиумқәа Елизавета лепоха иаҵанакӡом, "Акрал Лир" ақәыргыламҭақәа жәпакы рҿы ишыҟарҵало еиԥш."Аиашазы, Шекспир игоит ҳера ҟалаанӡа IX ашәышықәсазы имҩаԥысуаз аҭагылазаашьа ҳерагьы адкыланы. Даҽакала иаҳҳәозар, ари Елизавета лепоха иаҿырԥшны акәзаргьы, ауаа аҳаԥқәа ирҭыҵуа ианалага аамҭа иатәуп, ижәытәӡатәиуп. Убри инақәыршәаны иҳаӡбоит акостиумқәагьы асценографиагьы ҳаԥсахырц", — иҳәеит Ақаҩба.Ақаҩба Шекспир ирҿиара уажәаԥхьагьы дазхьаԥшхьан. Уаанӡа "Ромеои Џьульеттеи " ықәиргылахьан Аԥсуа театр аҿы, Волгоград – "Гамлет". "Акрал Лир" арежиссиор аус адиуларц иҭахижьҭеи акрааҵуан, уажәы зегьы абасала ишьақәгылеит.Аԥхьарбара азгәаҭоуп мшаԥы 16-17 рзы.

2026

Ажәабжьқәа

ab_AB

sputnik аԥсны, аԥсны, ажәабжьқәа, акультура