Ԥхынгәымзазы Аԥсны амҩадуқәа реиҭашьақәыргылара иалагоит
10:28 10.04.2026 (ирҿыцуп: 11:05 10.04.2026)
© Sputnik / Томас Тхайцук
Анапаҵаҩра
АҞӘА, мшаԥы 10 — Sputnik. Ԥхынгәымзазы Аԥсны амҩадуқәа реиҭашьақәыргылара иалагоит ҳәа иҳәеит арадио Sputnik аинтервиу азҭаз Акапиталтә ргыларатә усбарҭа анапхгаҩы Демир Гамсаниа.
Иазгәеиҭеит, 2026 шықәсазы Урыстәыла Аԥсны амҩатә инфраструктура аҿиаразы миллиардк шазоунажьыз.
Аԥыжәара змоу ахырхарҭақәа алырххьеит, 21 усмҩаԥгатә нагӡахоит. Уажәы апроект-харџьынҵатә шәҟәқәа шьақәдыргылоит.
Иазгәеиҭеит, 2026 шықәсазы Урыстәыла Аԥсны амҩатә инфраструктура аҿиаразы миллиардк шазоунажьыз.
Аԥыжәара змоу ахырхарҭақәа алырххьеит, 21 усмҩаԥгатә нагӡахоит. Уажәы апроект-харџьынҵатә шәҟәқәа шьақәдыргылоит.
"Сынтәатәи ашықәс ақыҭа иашықәсны ишрылаҳәоу ҳасаб азуны, ақыҭақәа рҿы амҩақәагьы хымԥада иазгәаҭахоит. Аҟәа ақалақь аҿы ихадоу, ауааи атранспорти ахьырацәоу амҩақәагьы еиҭашьақәыргылахоит. Еиҳа инарҭбааны аекспертиза аихшьаалақәа рышьҭахь рыӡбахә ҳҳәар ҳалшоит", — ҳәа инаҵшьны иазгәеиҭеит иара.
Гамсаниа иҳәеит амҩақәа реиҭашьақәыргыларазы 2025 шықәсазы иазоужьыз аԥарақәа шамахамзар ахархәара шрыҭаз, аусурақәа шымҩаԥгаз 19 ҭыԥ рҿы.
"Аусурақәа рӷьырак нагӡоуп, Кәыдры аиҩхааҿы иҟоу атуннельгьы уахь иналаҵаны. Аха атуннель аԥаразоужьра ахыҵхырҭақәа ҩба амоуп. Ҵыԥх аусурақәа мҩаԥыргон амҩатә инфраструктура аҿиара апрограмма ахарџь ала, ҳазҭоу аамҭазы – Аинвестпрограммахь ииагоуп", — ҳәа инаҵшьны иазгәеиҭеит АРУ ахада.
Гамсаниа иҳәеит Аҟәа, Аҳабла ҿыц аҟны Агрба, Цәыббра 30 амҩадуқәа рҿы акоммуникациақәа реиҭашьақәыргыларатә усурақәа ахыркәшарахь ишнеиуа, анаҩс акаҭран ақәҵара ишалаго. Уи инаваргыланы амҩа аҿықәқәеи ашьаҟамҩақәеи рырҽеира иаҿуп.
Аусбарҭа иара убасгьы аусурақәа мҩаԥнагоит егьырҭ аргыларақәа рҿы, Аинвестпрограмма аҳәаақәа ирҭагӡаны аԥаразоужьра ззымҩаԥыргогьы уахь иналаҵаны.
"Аусурақәа рӷьырак нагӡоуп, Кәыдры аиҩхааҿы иҟоу атуннельгьы уахь иналаҵаны. Аха атуннель аԥаразоужьра ахыҵхырҭақәа ҩба амоуп. Ҵыԥх аусурақәа мҩаԥыргон амҩатә инфраструктура аҿиара апрограмма ахарџь ала, ҳазҭоу аамҭазы – Аинвестпрограммахь ииагоуп", — ҳәа инаҵшьны иазгәеиҭеит АРУ ахада.
Гамсаниа иҳәеит Аҟәа, Аҳабла ҿыц аҟны Агрба, Цәыббра 30 амҩадуқәа рҿы акоммуникациақәа реиҭашьақәыргыларатә усурақәа ахыркәшарахь ишнеиуа, анаҩс акаҭран ақәҵара ишалаго. Уи инаваргыланы амҩа аҿықәқәеи ашьаҟамҩақәеи рырҽеира иаҿуп.
Аусбарҭа иара убасгьы аусурақәа мҩаԥнагоит егьырҭ аргыларақәа рҿы, Аинвестпрограмма аҳәаақәа ирҭагӡаны аԥаразоужьра ззымҩаԥыргогьы уахь иналаҵаны.
