Ахәыҷқәеи аҭаацәеи асоццхыраара рызҭо амаҵзура азхиоум ауаажәларра ргәы иҵхо аҭак аҟаҵара
16:20 10.04.2026 (ирҿыцуп: 17:39 10.04.2026)
© Sputnik / Томас Тхайцук
Анапаҵаҩра
АҞӘА, мшаԥы 10 — Sputnik. Ахәыҷқәеи аҭаацәарақәеи асоциалтә цхыраара рыҭаразы амаҵзура араионқәа зегьы рҿы аус ауеит, ауаажәларра рдыррақәа оперативла рықәҿыҭра иазыхиоуп ҳәа аҳәоит Амаҵзура аҳәамҭаҿы.
Ахәыҷқәа рганахь ала амч ахархәара заанаҵы аарԥшра алшоит, усеиԥш иагьаҭахуп. Ареспубликаҿы имаҷымкәа иҟан аоперативтә халагаларала ахәыҷы ихьчара ацхраара аналшоз.
Ахәыҷқәа рганахь ала амч ахархәара заанаҵы аарԥшра алшоит, усеиԥш иагьаҭахуп. Ареспубликаҿы имаҷымкәа иҟан аоперативтә халагаларала ахәыҷы ихьчара ацхраара аналшоз.
"Аха амаҵзурақәа рахь аинформациа мнеиуазар — ауадаҩра атәы ҳзымдыруазар, ианаамҭоу ақәҿыҭрагьы ҳалшом. Аҭаацәараҿы аманшәаламра, агәымбылџьбарара, ма ахәыҷы изы ашәарҭара аҟазаара аҷыдарақәа гәашәҭозар — аганахь шәымгылан. Агәыҩбара шәымазаргьы аспециалистцәа адырра рыҭаны аилыргаразы алшара рышәҭар еиӷьуп", — ҳәа аҳәоит акьыԥхьымҭаҿы.
Ааԥхьара анонимтә ҟазшьа амазар алшоит. Араионқәа рҿы асоциалтә маҵзура рыҽрымадаразы аҭелқәа:
Аҟәеи Аҟәа араиони — 7710783
Очамчыра араион — 9243206
Гәдоуҭа араион — 7737870
Гәылрыԥшь араион — 9675067
Гал араион — 7738722
Тҟәарчал араион — 9235740
Гагра араион — 9103497
