Аспектакль "Акрал Лир" аԥхьарбара аламҭалаз аҵыхәтәантәи аҽазыҟаҵарақәа мҩаԥысуеит
16:20 15.04.2026 (ирҿыцуп: 18:07 15.04.2026)
© Sputnik / Томас Тхайцук
Анапаҵаҩра
АҞӘА, мшаԥы 15 — Sputnik. Аспектакль "Акрал Лир" аԥхьарбара аламҭалаз аҵыхәтәантәи аҽазыҟаҵарақәа мҩаԥысуеит Аԥсуа театр аҿы.
Арежиссиор-ақәыргылаҩ Адгәыр Ақаҩба Sputnik ишазеиҭеиҳәаз ала, ипрофессионалтә кариераҿы ари аспектакль раԥхьаӡа акәны аус адиулоит.
Арежиссиор-ақәыргылаҩ Адгәыр Ақаҩба Sputnik ишазеиҭеиҳәаз ала, ипрофессионалтә кариераҿы ари аспектакль раԥхьаӡа акәны аус адиулоит.
"Ари апиеса раԥхьаӡа акәны қәыргыламҭак аҳасабала саднагалеит. Ари реиҳа бзиа избо апиесақәа ируакуп. Аинститут санҭазгьы апиеса егьырҭ ақәыргыламҭақәа рҿы исымбац, иҳәатәыз акы ыҟазшәа збон", — ҳәа инаҵшьны азгәеиҭеит иара.
Аха "Акрал Лир" ақәыргылара нап аркразы алшара уажәоуп ианцәырҵ ҳәа иҳәеит Ақаҩба.
"Театрк аҿы Лир дызбомызт, аҽаџьара – Корделиа, џьара Ақьачақь уҳәа убас иҵегьы. Аҵыхәтәаны, уажәы Аԥсны, зегьы шьақәгылазшәа иҟоуп ", — ҳәа азгәеиҭеит арежиссиор-ақәыргылаҩ.
Иара иажәакәа рыла, аҽазыҟаҵарақәа ирылагеит ажьырныҳәамзатәи аныҳәақәа рышьҭахь, иахьа уажәраанӡа аԥсуа театр агастрольтә усура иадҳәаланы, маҷк ааҭгыларақәа рыманы имҩаԥысуеит.
Иара иажәакәа рыла, аҽазыҟаҵарақәа ирылагеит ажьырныҳәамзатәи аныҳәақәа рышьҭахь, иахьа уажәраанӡа аԥсуа театр агастрольтә усура иадҳәаланы, маҷк ааҭгыларақәа рыманы имҩаԥысуеит.
Шекспир ирҿиарала уаанӡа арежиссиор "Ромеои Џьульеттеи" ықәиргылахьан Аԥсуа театр аҿы, "Гамлет "– Волгоград атеатр аҿы.
Акрал Лир ироль наигӡоит Аԥсны зҽаԥсазтәыз актиор Рауль Ақаҩба.
"Ари раԥхьа иансыдыргала сацәшәеит, избанзар аҭакԥхықәра дууп. Актиор иаҳасабала иуҳәозар иԥышәа еизырҳагоуп", — ҳәа азгәеиҭеит иара.
Аспектакль "Акрал Лир" аԥхьарбара мҩаԥгахоит мшаԥы 16, 17 рзы.
"Ари раԥхьа иансыдыргала сацәшәеит, избанзар аҭакԥхықәра дууп. Актиор иаҳасабала иуҳәозар иԥышәа еизырҳагоуп", — ҳәа азгәеиҭеит иара.
Аспектакль "Акрал Лир" аԥхьарбара мҩаԥгахоит мшаԥы 16, 17 рзы.
