Асахьаҭыхҩы, аскульптор Нугзар Логәуа ииубилеитә цәыргақәҵа аатит Аҟәа
17:02 21.04.2026 (ирҿыцуп: 17:42 21.04.2026)
© Sputnik / Томас Тхайцук
Анапаҵаҩра
АҞӘА, мшаԥы 21 — Sputnik. Асахьаҭыхҩы, аскульптор Нугзар Логәуа ииубилеитә цәыргақәҵа аатит Аҟәа, Ацәыргақәҵатә зал хадаҿы.
Аекспозициа еиднакылеит ирҿиара еиуеиԥшым аамҭақәа раантәи иусумҭақәа — ашколқәра инадыркны иахьа уажәраанӡа.
"Шәара ижәбоит схәыҷра шықәсқәа рзы иаԥысҵаз аусумҭақәа, ашколтә аамҭа. Иҟоуп зааӡатәи сусумҭақәа, урҭ аҟазара сҽазыҟасҵо саналагаз иаԥҵаз роуп. Абас еиԥш иҟаз аусумҭақәа роуп иалысхыз — иарбан мҩоу сызнысыз убартә еиԥш. Абасала, арҭ аамҭақәа зегьы аҩ- залк рҿы ҳахәаԥшцәа дырбара сҽазысшәеит", — иҳәеит Логәуа.
АЗХ аиҳабы Ельвира Арсалиаԥҳа асахьаҭыхҩы 70 шықәса ихыҵра иазку ацәыргақәҵа аретроспективеи автобиографиатәи ҟазшьа рымоуп ҳәа ахылҳәааит. Ацәыргақәҵа иаҭааит Бадра Гәынба зхадараҿы дыҟаз атәыла анапхгара.
Акультура аминистр Даур Ақаҩба аиубилиар идиныҳәалеит, иара убас "Аԥсны жәлар рсахьаҭыхҩы" ҳәа ахьӡ ихҵаразы аҳәынҭқарра ахада иусԥҟа даԥхьеит.
Нугзар Логәуа аҿыханҵеи аграфикеи инапы рылакуижьҭеи 40 шықәса иреиҳауп, ари абыжьбатәи хаҭалатәи ицәыргақәҵоуп. Иусуратә аамҭа иҭагӡаны еиҿикааит, ихгьы рылаирхәит 200 инареиҳаны ацәыргақәҵақәа, Италиа, Сан-Марино уҳәа атәылақәа рҿгьы.
Аекспозициа еиднакылеит ирҿиара еиуеиԥшым аамҭақәа раантәи иусумҭақәа — ашколқәра инадыркны иахьа уажәраанӡа.
"Шәара ижәбоит схәыҷра шықәсқәа рзы иаԥысҵаз аусумҭақәа, ашколтә аамҭа. Иҟоуп зааӡатәи сусумҭақәа, урҭ аҟазара сҽазыҟасҵо саналагаз иаԥҵаз роуп. Абас еиԥш иҟаз аусумҭақәа роуп иалысхыз — иарбан мҩоу сызнысыз убартә еиԥш. Абасала, арҭ аамҭақәа зегьы аҩ- залк рҿы ҳахәаԥшцәа дырбара сҽазысшәеит", — иҳәеит Логәуа.
АЗХ аиҳабы Ельвира Арсалиаԥҳа асахьаҭыхҩы 70 шықәса ихыҵра иазку ацәыргақәҵа аретроспективеи автобиографиатәи ҟазшьа рымоуп ҳәа ахылҳәааит. Ацәыргақәҵа иаҭааит Бадра Гәынба зхадараҿы дыҟаз атәыла анапхгара.
Акультура аминистр Даур Ақаҩба аиубилиар идиныҳәалеит, иара убас "Аԥсны жәлар рсахьаҭыхҩы" ҳәа ахьӡ ихҵаразы аҳәынҭқарра ахада иусԥҟа даԥхьеит.
Нугзар Логәуа аҿыханҵеи аграфикеи инапы рылакуижьҭеи 40 шықәса иреиҳауп, ари абыжьбатәи хаҭалатәи ицәыргақәҵоуп. Иусуратә аамҭа иҭагӡаны еиҿикааит, ихгьы рылаирхәит 200 инареиҳаны ацәыргақәҵақәа, Италиа, Сан-Марино уҳәа атәылақәа рҿгьы.
