https://sputnik-abkhazia.info/20260428/1062652297.html

Аԥсны ажурналистика уникалтәуп ҳәа иԥхьаӡоит Шафир

Аԥсны ажурналистика уникалтәуп ҳәа иԥхьаӡоит Шафир

Sputnik Аҧсны

АҞӘА, мшаԥы 28 — Sputnik. Аԥсны ажурналистика уникалтәуп ҳәа иԥхьаӡоит Урыстәыла ажурналистцәа реидгыла ахантәаҩы ихаҭыԥуаҩ Ҭемыр Шафир."Аԥсуа журналистика... 28.04.2026, Sputnik Аҧсны

2026-04-28T14:06+0300

2026-04-28T14:06+0300

2026-04-28T14:38+0300

аԥсны

аԥсны

ажәабжьқәа

https://cdnn1.img.sputnik-abkhazia.info/img/07ea/04/1c/1062644076_0:100:1920:1180_1920x0_80_0_0_203980ec8d9498e9e76aabd51adc7ecb.jpg

АҞӘА, мшаԥы 28 — Sputnik. Аԥсны ажурналистика уникалтәуп ҳәа иԥхьаӡоит Урыстәыла ажурналистцәа реидгыла ахантәаҩы ихаҭыԥуаҩ Ҭемыр Шафир."Аԥсуа журналистика даара имариамыз аамҭақәа рзы ишьақәгылон. Иахьа ҳара акрызҵазкуа аҭоурыхтә ҭыԥ аҿы ҳаҟоуп, имҩаԥысуа ахҭысқәа аазырԥшуаз аԥснытәии урыстәылатәии ажурналистцәагьы уахь иналаҵаны ирчаԥоз Аибашьра Ахьӡ-аԥша амузеи аҿы", — азгәеиҭеит иара. Шафир иажәақәа рыла, ареспубликахь ианаауаз аламҭалаз ажурналистцәа реидгыла аҿы аилацәажәара мҩаԥыргеит — ԥхьаҟатәи аусеицура аԥеиԥшқәа рзы.Аԥсны иазку аматериалқәа урыстәылатәи амассатә информациа ахархәагақәа рҿы хаз игоу акьыԥхьымҭақәа реиԥш мацара акәымкәа, инагӡоу проектла ицәырҵлароуп ҳәа азиԥхьаӡоит иара. Убри аан, Шафир игәаанагарала, аҭыԥқәа рҿы аус зуа, аинформациа нагӡаны издыруа аԥсуа журналистцәа хшыҩзышьҭра рыҭалатәуп.Урыстәыла ажурналистцәа реидгыла ахантәаҩы ихаҭыԥуаҩ иазгәеиҭеит, Аԥсни Урыстәылеи русеицура ишацҵахо, ареспубликаҟынтәи ажурналистцәа урыстәылатәи афорумқәеи апроектқәеи рылахәхаралагьы аҽшарҭбаауа.

https://sputnik-abkhazia.info/20260428/1062648774.html

2026

Ажәабжьқәа

ab_AB

аԥсны, ажәабжьқәа