Пицунда иаатит Жәларбжьаратәи афестиваль "Вдох"
14:46 01.05.2026 (ирҿыцуп: 15:34 01.05.2026)
© Sputnik Томас Тхайцук
Анапаҵаҩра
АҞӘА, лаҵара 1 — Sputnik. Пицунда иаатит Жәларбжьаратәи афестиваль "Вдох".
Хымш рыҩнуҵҟа уаҟа имҩаԥгахоит еиуеиԥшым атемақәа анаплакра аҿиара, атуризм, ателекоммуникациа уҳәа рыла алекциақәа, апанельтә еицәажәарақәа, аҟаза-иклассқәа. Иара убас, анаплыхқәа рцәыргақәҵа еиҿкаауп.
Хымш рыҩнуҵҟа уаҟа имҩаԥгахоит еиуеиԥшым атемақәа анаплакра аҿиара, атуризм, ателекоммуникациа уҳәа рыла алекциақәа, апанельтә еицәажәарақәа, аҟаза-иклассқәа. Иара убас, анаплыхқәа рцәыргақәҵа еиҿкаауп.
"Араҟа еизеит Аԥсны, Урыстәыла, Киргизиа, Ҟазахстан, егьырҭ аҭыԥқәа рҟынтәи еиуеиԥшым ауаажәларрақәа рхаҭарнакцәа, ԥхьаҟатәи аԥеиԥш зиԥшрахо иалацәажәарц, акультурақәа реилкаараа зҭаху", — ҳәа иҳәеит афестиваль аиҿкааҩ Сергеи Марданов.
Аҳәынҭқарра ахада Бадра Гәынба дызлахәхо официалла аартра мҩаԥгахоит уаха асааҭ 19:00 рзы.
Аусмҩаԥгатә ахықәкқәа иреиуоуп:
Аусмҩаԥгатә ахықәкқәа иреиуоуп:
Урыстәылеи Аԥсни рыбжьара жәларбжьаратәи акультуратәи агуманитартәи усеицура арӷәӷәара;
Аԥсны акультуреи, аҵареи, аҿыцрақәеи рзы жәларбжьаратәи аусмҩаԥгатәқәа ахьымҩаԥысуа аҭыԥ ҳасабала аӡыргара;
акреативтә индустриеи асоциалтә техналогиақәеи рыбжьара аԥышәа аимадаразы аҭыԥ аԥҵара;
ҳаамҭазтәи аформатқәа рыла Аԥсни Урыстәылеи рыжәларқәа ркультуратә ҭынха аӡыргара;
Атәылақәа ртуризм алшарақәа рыҿиара.
