Афонҿыцтәи аҳаԥы аҟны имҩаԥысит Горловкантәи Архиереитә хор "Росток" аконцерт
21:32 01.05.2026 (ирҿыцуп: 22:05 01.05.2026)
© Sputnik Марианна Кубрава
Анапаҵаҩра
АҞӘА, лаҵара 1 — Sputnik. Афонҿыцтәи аҳаԥы аҟны имҩаԥысыз Горловкантәи Архиереитә хор "Росток" аконцерт иаҭааит 150-ҩык инареиҳаны ахәаԥшцәа.
Урҭ рхыԥхьаӡараҿы дыҟан Аԥсны адәныҟатәи аусқәа рминистр Олег Барцыц. Иара инаҵшьны иазгәеиҭеит, ас еиԥш иҟоу аусмҩаԥгатәқәа Урыстәылеи Аԥсни рыжәларқәа ирзеиԥшу астратегиатә интересқәеи шаадырԥшуа.
Ахор ашәаҳәаҩ Анна Стиопина лажәақәа рыла, аҳаԥы аҿы ашәаҳәара уадаҩын, ицәгьан рыбжьқәа аиқәыршәара, аха ахәаԥшцәа иҟарҵоз адгылара амузыкантцәа ргәы шьҭнахит.
Арратә корреспондент, афестиваль "Ааԥын" аҳәаақәа ирҭагӡаны имҩаԥысыз аконцерт аиҿкааҩцәа ируаӡәку Семион Пегов еиҭеиҳәеит ашәаҳәаҩцәа рықәгылара игәы ишанырыз.
"Ҳәарада, Горловкантәи ҳҩызцәа рықәгылара иаҵаз аԥхарра, ацәаныррақәа зегь реиԥш саргьы сеимнадеит", — ҳәа иҳәеит иара.
Афонҿыцтәи аҳаԥы аҿы имҩаԥгаз ақәгылара ашьҭахь "Ԥсырӡха" ангыларҭаҿы имҩаԥган Оҭар Хәынҵариа ихьӡ зху жәлар рмузыкатә рҳәагақәа аҳәынҭқарратә оркестр амузыкантцәа рԥылара.
Урҭ рхыԥхьаӡараҿы дыҟан Аԥсны адәныҟатәи аусқәа рминистр Олег Барцыц. Иара инаҵшьны иазгәеиҭеит, ас еиԥш иҟоу аусмҩаԥгатәқәа Урыстәылеи Аԥсни рыжәларқәа ирзеиԥшу астратегиатә интересқәеи шаадырԥшуа.
Ахор ашәаҳәаҩ Анна Стиопина лажәақәа рыла, аҳаԥы аҿы ашәаҳәара уадаҩын, ицәгьан рыбжьқәа аиқәыршәара, аха ахәаԥшцәа иҟарҵоз адгылара амузыкантцәа ргәы шьҭнахит.
Арратә корреспондент, афестиваль "Ааԥын" аҳәаақәа ирҭагӡаны имҩаԥысыз аконцерт аиҿкааҩцәа ируаӡәку Семион Пегов еиҭеиҳәеит ашәаҳәаҩцәа рықәгылара игәы ишанырыз.
"Ҳәарада, Горловкантәи ҳҩызцәа рықәгылара иаҵаз аԥхарра, ацәаныррақәа зегь реиԥш саргьы сеимнадеит", — ҳәа иҳәеит иара.
Афонҿыцтәи аҳаԥы аҿы имҩаԥгаз ақәгылара ашьҭахь "Ԥсырӡха" ангыларҭаҿы имҩаԥган Оҭар Хәынҵариа ихьӡ зху жәлар рмузыкатә рҳәагақәа аҳәынҭқарратә оркестр амузыкантцәа рԥылара.
