Гал араион аӡеизакырҭа хадахьы амҩа дыргылароуп ԥхынгәымзанӡа
10:17 03.05.2026 (ирҿыцуп: 10:26 03.05.2026)
Анапаҵаҩра
Гал араион аӡеизакырҭа хадахьы амҩа дыргылароуп ԥхынгәымзанӡа, абри атәы арадио Sputnik иазеиҭеиҳәеит араион аиҳабы Константин Ԥлиа.
Ҧлиа иажәақәа рыла, уажәы уахь шьапыла заҵәык ауп анеира шыҟало, аҭыҧахь атехника знеиӡом, уи иахҟьаны арҽеиратә усурақәа рымҩаҧгаразы алшара ыҟаӡам.
Аӡеизакырҭа акырӡа иажәит. Иҟоу адыррақәа рыла, уи 65% рҟынӡа аӡы ацәцоит, уи еиҳарак ирныруеит аԥхынразы.
Аԥсны аԥыза-министр Владимир Делба Акапиталтә ргыларазы аусбарҭа анапынҵа аиҭеит, ари азҵаара ӡбаны, араион ӡыла аиқәыршәара шьақәдыргыларц ҳәа азгәеиҭеит Ԥлиа.
