Владимир Делба Агәабзиарахьчара аминистрра аколлектив дыдирдырит аминистр ҿыц
10:34 06.05.2026 (ирҿыцуп: 11:32 06.05.2026)
© Sputnik
Анапаҵаҩра
АҞӘА, лаҵара 6 — Sputnik. Владимир Делба Агәабзиарахьчара аминистрра аколлектив дыдирдырит аминистр ҿыц – Асҭамыр Гәниа.
Аԥыза-министр Гәниа изанааҭтә ҟазшьақәа азгәеиҭеит, агәрагара ааирԥшит уаанӡатәи анапхгаҩы аколлектив аҿы иаԥиҵаз иреиӷьу атрадициақәа иара ихаангьы ишрыцҵахо.
"Асҭамыр Қарбеи-иԥа агәабзиарахьчара асистемаҿы дуаҩ ҿыцӡам, акыр аамҭа ҵуеит еиуеиԥшым амаҵурақәа рҿы аус иуеижьҭеи. Иԥсҭазааратә ԥышәа дырны, агәрагара ҳаманы иаҳҳәар ҳалшоит амедицинатә еилазаара рыбжьара аҳаҭырқәҵареи ахьӡ-аԥшеи имоуп ҳәа", — иҳәеит иара.
Делба уаанӡатәи аминистр Едуард Быҭәба иусуразы ҭабуп ҳәа иеиҳәеит.
Аԥыза-министр Гәниа изанааҭтә ҟазшьақәа азгәеиҭеит, агәрагара ааирԥшит уаанӡатәи анапхгаҩы аколлектив аҿы иаԥиҵаз иреиӷьу атрадициақәа иара ихаангьы ишрыцҵахо.
"Асҭамыр Қарбеи-иԥа агәабзиарахьчара асистемаҿы дуаҩ ҿыцӡам, акыр аамҭа ҵуеит еиуеиԥшым амаҵурақәа рҿы аус иуеижьҭеи. Иԥсҭазааратә ԥышәа дырны, агәрагара ҳаманы иаҳҳәар ҳалшоит амедицинатә еилазаара рыбжьара аҳаҭырқәҵареи ахьӡ-аԥшеи имоуп ҳәа", — иҳәеит иара.
Делба уаанӡатәи аминистр Едуард Быҭәба иусуразы ҭабуп ҳәа иеиҳәеит.
Асҭамыр Гәниа Аԥсны агәабзиарахьчара аминистрс дҟаҵан Бадра Гәынба иусԥҟала лаҵара 5 рзы. Иара 2021 шықәса лаҵарамза инаркны аусбарҭа напхгара азҭоз Едуард Быҭәба имаҵураҿы диԥсахит.
Едуард Быҭәба еиуеиԥшым ашықәсқәа рзы аус иуан ҳақьым-травматологс, Урыстәылазегьтәи аҭҵаарадырра-методикатә геронтологиатә центр амедицинатә хәҭазы адиректор ихаҭыԥуаҩыс, ахархәаҩцәа рзинқәеи ауаҩы иманшәалареи рыхьчара аусхк аҟны ахылаԥшразы Афедералтә маҵзура агигиенеи аепидемиологиеи рфедералтә центр аконтракттә маҵзура анапхгаҩыс, анаплакра инапы алакын. Аԥсны Аџьынџьтәылатә еибашьра ашықәсқәа раан аус иуан Гәдоуҭа арратә госпиталь аҟны.
