АдәАР: Аԥсни Аахыҵ Уаԥстәылеи рҭынчразы Урыстәыла иалнахыз амҩа ԥсахрада иҟоуп
16:29 12.05.2026 (ирҿыцуп: 17:15 12.05.2026)

© Sputnik / Максим Блинов
Анапаҵаҩра
АҞӘА, лаҵара 12 — Sputnik. Аԥсни Аахыҵ Уаԥстәылеи аҭынчреи ганрацәала ршәарҭадареи реиқәыршәаразы Урыстәыла иланхыз амҩа ԥсахрада иҟоуп ҳәа иҳәеит Урыстәыла Адәыҟатәи аусқәа рминистрра ИАР атәылақәа аԥшьбатәи рдепартамент адиректор Михаил Калугин ТАСС аинтервиу аҭо.
Иара иазгәеиҭеит, Урыстәыла ареспубликақәа рхьыԥшымра шазханаҵаз 2008 шықәсазы, Қарҭ Цхинвал иаҿагыланы имҩаԥнагаз агрессиа аԥырҟәҟәаареи Аҟәа убри аҩыза аҟалара аҭагылазаашьа аԥырҟәҟәаареи инарыдҳәаланы.
Иара иазгәеиҭеит, Урыстәыла ареспубликақәа рхьыԥшымра шазханаҵаз 2008 шықәсазы, Қарҭ Цхинвал иаҿагыланы имҩаԥнагаз агрессиа аԥырҟәҟәаареи Аҟәа убри аҩыза аҟалара аҭагылазаашьа аԥырҟәҟәаареи инарыдҳәаланы.
"Абри аамҭа иалагӡаны ҳадгылаҩцәа аҳәынҭқарратә институтқәеи, аекономикеи, асоциалтә усхки, жәларбжьаратәи апозициақәеи рырӷәӷәараҿы ацхыраара раҳҭон. Арҭ аҽазышәарақәа уажәгьы ганрацәала, аусбарҭабжьаратә ҟазшьа рыманы имҩаԥысуеит. Ари аполитика, жәаҳәарада, Урыстәыла аинтересқәа ирықәшәоит, иагьацҵахоит", — ҳәа азгәеиҭеит Калугин.
Адипломат иҳәеит 2026 шықәсазтәи Урыстәыла абиуџьет аҿы ишалоу Аԥсни Аахыҵ Уаԥстәылеи рфинанстә цхырааразы 11,6 млрд мааҭ, 2027 - 2028 шықәсқәа рзы – 11,7 млрд мааҭ.