https://sputnik-abkhazia.info/20260515/1063044200.html

Ашықәс аҩнуҵҟа афымцамч аахәаразы миллиардк мааҭ инареиҳаны иазоужьын

Ашықәс аҩнуҵҟа афымцамч аахәаразы миллиардк мааҭ инареиҳаны иазоужьын

Sputnik Аҧсны

АҞӘА, лаҵара 15 — Sputnik. Ашықәс аҩнуҵҟа афымцамч аахәаразы миллиардк мааҭ инареиҳаны иазоужьын, абри атәы иҳәеит Бадра Гәынба."Сара есыҽны, ашьыжь асааҭ 9... 15.05.2026, Sputnik Аҧсны

2026-05-15T17:27+0300

2026-05-15T17:27+0300

2026-05-15T18:40+0300

аԥсны

ажәабжьқәа

аԥсны

бадра гәынба

аԥсны аенергетика апроблемақәа

https://cdnn1.img.sputnik-abkhazia.info/img/07e7/0b/19/1049219640_0:162:3067:1887_1920x0_80_0_0_d7c6af1c77d1b678b4721518c1e63a27.jpg

АҞӘА, лаҵара 15 — Sputnik. Ашықәс аҩнуҵҟа афымцамч аахәаразы миллиардк мааҭ инареиҳаны иазоужьын, абри атәы иҳәеит Бадра Гәынба."Сара есыҽны, ашьыжь асааҭ 9 рзы сусура хацсыркуеит уахыки-ҽнаки афымцамч ахархәара, аӡы аҩаӡара ашьҭыҵреи аҭалареи, иахьа Аԥсны иахьаҵанакуа аенергетика аиҭашьақәыргыларазы имҩаԥысуа аусмҩаԥгатәқәа рыҭҵаарала", — ҳәа азгәеиҭеит ахада.Иара инаҵшьны иазгәеиҭеит, аҳәынҭқарра аенергетикаҿы аҭагылазаашьа аҭышәныртәаларазы азнеишьа ҿыцқәа шымҩаԥнаго, аԥхынтәи аамҭазы еиҳа зыхә мариоу атарифқәа рыла Урыстәылантәи афымца шаархәоз. Уи иалнаршеит аамҭа-аамҭала афымца арцәарада аӡынра ахысра."Ишәасҳәарц сҭахуп, ҳара хаз-хазы ҳхы шымҩаԥаҳгар шхәарҭам, араҟа дарбанзаалак атәылауҩ иҭакԥхықәра ҳаракуп. Ҳара ҳхатә енергетика ахә ҳзымшәозар, ҳгәылацәа рҟынтәи, аҩызара ҳзызуа атәылақәа рҟынтәи афымцамч ааҳхәар акәхоит. Хәыда-ԥсада афымцамч зыҟалаӡом", — иҳәеит аҳәынҭқарра ахада.Гәынба иажәақәа рыла, афымцаҳақәа реиҭашьақәыргыларазы апрограмма хацыркуп, ареспублика иахьаҵанакуа афымцамчԥхьаӡагақәа рышьақәыргылара иаҿуп, иара убасгьы, Аԥсныҟа иаагоу афымцамч зегьы рышәҟәҭаҩреи рҳасабарбеи мҩаԥгахоит.Урыстәыла афымцамч аахәараҿы асоциалтә ҳасабала ацхыраара ду шыҟанаҵаз азгәеиҭеит иара, ԥарала — 2 млрд мааҭ рҟынӡа инаӡоит.

2026

Ажәабжьқәа

ab_AB

ажәабжьқәа, аԥсны, бадра гәынба, аԥсны аенергетика апроблемақәа