Бадра Гәынба Дырмит Гәлиа иҩны-музеи аиҭашьақәыргыларатә усурақәа рымҩаԥысшьа гәеиҭеит
17:20 18.05.2026 (ирҿыцуп: 17:54 18.05.2026)
© Sputnik / Томас Тхайцук
Анапаҵаҩра
АҞӘА, лаҵара 18 — Sputnik. Бадра Гәынба Дырмит Гәлиа иҩны-музеи аҿы аремонт-еиҭашьақәыргыларатә усурақәа рымҩаԥысшьа гәеиҭеит.
Аҳәынҭеилахәыра "Аԥсныргылара" аргыларатә усбарҭа анапхгаҩы Вадим Ладариа иажәақәа рыла, уажәазы ашьыхра иаҿуп, иаарласны аргылаҩцәа адашьма ҿыц шьҭарҵоит, аԥенџьырқәа ҭадыргылоит.
Ладариа иазгәеиҭеит, ахыбра ахьажәхьоу иахҟьаны аргылаҩцәа русураҿы ауадаҩрақәа шырԥылаз. Амҿтәы еиҩкаақәеи, адәахьтәи аҭӡамцқәеи, абарҵеи ашәарҭара рыцын.
Уи адагьы, иаарԥшын — ажәытә ҿакырҭақәеи ахыбра аргылараан аҭуанаҿ иҭыхыз ажәытә сахьеи. Урҭ инагӡаны реиқәырхара залыршахом ӷәӷәала иахьыԥхасҭахахьоу иахҟьаны, аха ҽыҭқәак ишыҟаҵәҟьаз аиқәырхара алыршахоит, аҭааҩцәа дырбаразы иӡыргахоит.
Аҳәынҭқарра ахада Бадра Гәынба инаҵшьны иазгәеиҭеит, ахыбра аҭоурыхтә хаҿра аиқәырхара шхымԥадатәиу, аусурақәа рхаҭабзиара ҳаракызароуп, шықәсқәак рышьҭахь аиҭашьақәыргылара иазыхнымҳәырц азы.
Амузеи ахьыҟоу ахыбра ргылан 1911 шықәсазы. Аҩны-амузеи аартын 1974 шықәсазы, уи аахыс уа ашьаҭанкыла-арҽеиратә усурақәа мҩаԥгамызт. Амузеи аҿы Жәлар рпоет инапылаҩырақәагьы уахь иналаҵаны 20 нызқь инареиҳаны зыхә ҳараку аекспонатқәа ҵәахуп.
Ахыбра аиҭашьақәыргылара иалагеит 2026 шықәса ажьырныҳәамзазы. Аргыларатә план инақәыршәаны уи ашықәс нҵәаанӡа ихыркәшазароуп. Аусура мҩаԥнагоит аҳәынҭеилакы "Аԥсныргылара", аҳәынҭқарратә биуџьет аҟынтәи 38 млн мааҭ азоужьуп.
Аҳәынҭеилахәыра "Аԥсныргылара" аргыларатә усбарҭа анапхгаҩы Вадим Ладариа иажәақәа рыла, уажәазы ашьыхра иаҿуп, иаарласны аргылаҩцәа адашьма ҿыц шьҭарҵоит, аԥенџьырқәа ҭадыргылоит.
Ладариа иазгәеиҭеит, ахыбра ахьажәхьоу иахҟьаны аргылаҩцәа русураҿы ауадаҩрақәа шырԥылаз. Амҿтәы еиҩкаақәеи, адәахьтәи аҭӡамцқәеи, абарҵеи ашәарҭара рыцын.
Уи адагьы, иаарԥшын — ажәытә ҿакырҭақәеи ахыбра аргылараан аҭуанаҿ иҭыхыз ажәытә сахьеи. Урҭ инагӡаны реиқәырхара залыршахом ӷәӷәала иахьыԥхасҭахахьоу иахҟьаны, аха ҽыҭқәак ишыҟаҵәҟьаз аиқәырхара алыршахоит, аҭааҩцәа дырбаразы иӡыргахоит.
Аҳәынҭқарра ахада Бадра Гәынба инаҵшьны иазгәеиҭеит, ахыбра аҭоурыхтә хаҿра аиқәырхара шхымԥадатәиу, аусурақәа рхаҭабзиара ҳаракызароуп, шықәсқәак рышьҭахь аиҭашьақәыргылара иазыхнымҳәырц азы.
Амузеи ахьыҟоу ахыбра ргылан 1911 шықәсазы. Аҩны-амузеи аартын 1974 шықәсазы, уи аахыс уа ашьаҭанкыла-арҽеиратә усурақәа мҩаԥгамызт. Амузеи аҿы Жәлар рпоет инапылаҩырақәагьы уахь иналаҵаны 20 нызқь инареиҳаны зыхә ҳараку аекспонатқәа ҵәахуп.
Ахыбра аиҭашьақәыргылара иалагеит 2026 шықәса ажьырныҳәамзазы. Аргыларатә план инақәыршәаны уи ашықәс нҵәаанӡа ихыркәшазароуп. Аусура мҩаԥнагоит аҳәынҭеилакы "Аԥсныргылара", аҳәынҭқарратә биуџьет аҟынтәи 38 млн мааҭ азоужьуп.
