Иааиуа ахәаша Аԥсны ашьапылампылтә ныҳәа мҩаԥгахоит – Амедиалига ахәбатәи атур
16:21 19.05.2026 (ирҿыцуп: 16:36 19.05.2026)
© Sputnik / Томас Тхайцук
Анапаҵаҩра
Ашьапылампылтә хәмаррақәа ҩба мҩаԥгахоит Аҟәа лаҵарамза 22 рзы.
АҞӘА, лаҵара 19 — Sputnik. Иааиуа ахәаша Аԥсны даҽазныкгьы ашьапылампылтә ныҳәа мҩаԥгахоит – Амедиалига ахәбатәи атур.
"Динамо" астадион аҿы ашьапылампылтә хәмаррақәа ҩба мҩаԥгахоит.
"Динамо" астадион аҿы ашьапылампылтә хәмаррақәа ҩба мҩаԥгахоит.
Ашьапылампылтә хәылԥазы аадыртуеит "Prime Squad" "Жәлар ркомандеи". Урҭ "С" "D" агәыԥқәа ирыҵаркуеит. Арҭ акомандақәа ргәыԥқәа рыҩнуҵҟа аутсаидеруп, дара ԥшь-турк ирылагӡаны кәаталакгьы рзымгаӡеит. Ари аиԥылара алҵшәақәа рыла, акомандақәа руак плеи-офф ахь ицәырҵыр ҟалоит.
Стадионк аҿы ҽнак ала ҩ-матчк рымҩаԥгара лассы-лассы иҟалалоит ҳәа Sputnik иазеиҭеиҳәеит Амедиалига аоперациатә напхгаҩы Дмитри Кәартаа.
"Ахәаша ҩ-хәмаррак мҩаԥысуеит — Аԥсны, асабша ҩ-еиԥыларак — Казан", — иҳәеит иара.
Аԥснытәи акоманда аҩнытә хәмаррашьҭахь иӡбахо рацәахоит. Аԥсуа шьапылампыласцәа "Fight Nights" ириааир рылшар, уи алагьы заанаҵы афинал 1/8 ахь инеир рылшоит.
Алексеи Бондаренко игәыԥ уажәазы ԥшь-турк рышьҭахь ԥшь-кәаталак амоуп. Акоманда "В" аҿы ахԥатәи аҭыԥ ааннакылоит. Актәи аҭыԥаҿ игылоуп 12 кәатала змоу "2DROTS", аҩбатәи — "Амкал" аа-кәаталак аманы.
Ашьапылампылтә клуб "Аԥсны" абзиабаҩцәа Амедиалигаҿы зегь реиҳа илахҿыху, зыбжьы цәгьоу, шәаҳәареи-кәашареи агызмыжьуа иреиуоуп. Уи ус шакәу шәахәаԥш абра. Аҩнытә хәмарраҿы "12-тәи ахәмарҩы" адәы иқәҵара алҵшәа бзиа аанашьҭыр алшоит.
Амедиалига аԥҟарақәа рыла, ргәыԥқәа рҿы актәи аҭыԥ аанызкыло ԥшь-командак шиашоу афинал 1/4 инеиуеит. Аҩбатәии ахԥатәии ацәаҳәақәа аанызкыло агәыԥқәа 1/8 ахь.
