Аҟәатәи аҳаирбаӷәаза Калугантәи ареисқәа реихшанҵа акьыԥхьит
11:53 22.05.2026 (ирҿыцуп: 12:36 22.05.2026)
© Sputnik / Томас Тхайцук
Анапаҵаҩра
АҞӘА, лаҵара 22 — Sputnik. Аҟәатәи аҳаирбаӷәаза Калугантәи ареисқәа реихшанҵа акьыԥхьит.
Ахырхарҭа ҿыц аадыртуеит рашәара 10 рзы. Аҳаирпланқәа CRJ-200 рыла амҩангарақәа мҩаԥгахоит мчыбжьык ахь ҩынтә.
Шәахьала Калугантәи аҳаирплан Аҟәаҟа ишьҭыԥраауеит асааҭ 06:15 рзы, Аԥсны итәоит асааҭ 09:55 рзы. Аҟәа ианааилак ашьҭахь сааҭк ааҵуаны шьҭахьҟа ихынҳәуеит, Грабцево аҳаирбаӷәазаҿы итәоит асааҭ 14:35 рзы.
Сабшала аҳаирплан Аҟәаҟа ишьҭыԥраалоит асааҭ 12:50 рзы, аҳаирбаӷәазаҿф итәоит асааҭ 16:30 рзы, шьҭахьҟа ахынҳәра азгәаҭоуп асааҭ 17:20 рзы.
Ахырхарҭа ҿыц аадыртуеит рашәара 10 рзы. Аҳаирпланқәа CRJ-200 рыла амҩангарақәа мҩаԥгахоит мчыбжьык ахь ҩынтә.
Шәахьала Калугантәи аҳаирплан Аҟәаҟа ишьҭыԥраауеит асааҭ 06:15 рзы, Аԥсны итәоит асааҭ 09:55 рзы. Аҟәа ианааилак ашьҭахь сааҭк ааҵуаны шьҭахьҟа ихынҳәуеит, Грабцево аҳаирбаӷәазаҿы итәоит асааҭ 14:35 рзы.
Сабшала аҳаирплан Аҟәаҟа ишьҭыԥраалоит асааҭ 12:50 рзы, аҳаирбаӷәазаҿф итәоит асааҭ 16:30 рзы, шьҭахьҟа ахынҳәра азгәаҭоуп асааҭ 17:20 рзы.
"Калугаҟа ишиашоу ицо ареис абжьаҵара — апассаџьыртә ҭахрақәа реизҳара иаҭакуп, уи адагьы, амаршруттә ҳа аҿиаразы ҳхықәкқәа ирыцнаҵоит", — ҳәа азгәеиҭеит аҳаирбаӷәаза адиректор хада Руслан Блиндиук.
Аԥсни Урыстәыла ақалақьқәеи рыбжьара аҳаиреимадара хацыркын 2025 шықәса лаҵара 1 азы. Уажәы Аҟәантәи аҳаирпланқәа ԥыруеит Москваҟа, Уфаҟа, Ханты-Мансиискҟа, лаҵара 30 инаркны Нижни Новгороднтәи аԥыррақәа еиҭахацыркхоит, рашәара 3 инаркны Минводыи Аҟәеи рыбжьара аимадара аатуеит.
