Ҷанба: "Нарҭаа репос" — ари здаҟам акультуратә баҟоуп
18:36 24.05.2026 (ирҿыцуп: 20:27 24.05.2026)
© Sputnik / Арда Лушба
Анапаҵаҩра
АҞӘА, лаҵара 24 — Sputnik. "Нарҭаа репос" — ари здаҟам акультуратә баҟоуп ҳәа азгәеиҭеит Аԥсны Жәлар рартист Нодар Ҷанба I Афонҿыцтәи афестиваль аҿы имҩаԥигаз алекциа аҟны.
"Ажәларқәа зегьы, миллионҩыла иҟоугьы, рхатәы епос рымаӡам", — ҳәа инаҵшьны иазгәеиҭеит иара.
Аепосқәеи ажәабжьқәеи амузыкантцәа рҟазараҿы акыр зҵазкуа хыҵхырҭоуп. Жәлар рашәақәа рҿы ажәақәа рӷьырак нарҭаа репос аҟынтәи иаагоуп, иаҳҳәап, "раида", "рашьа", "уарада".
Арҭ ажәақәа, аныҳәақәа, аишәа амҩаԥгараан, гәырӷьарақәа раан ирҳәоит. Уимоу, аԥсуа жәлар ачымазарақәа рацәаны музыкала ирхәышәтәуан ҳәа иҳәеит Ҷанба.
Афонҿыцтәи афестиваль "Здаҟам амузыка амч" мҩаԥысуеит лаҵара 27-нӡа. Уахь иаҵанакуеит Афонҿыцтәи аҳаԥаҟны имҩаԥысраны иҟоу "Здаҟам амузыка амч" аконцерт, еиуеиԥшым атемақәа рыла алекциақәа рыԥхьара, ацәыргақәҵақәа, аҟазаратә хәылԥазқәа, агала-концертқәа.
Афестиваль аҿы иара убасгьы рхы аладырхәуеит Чаиковски ихьӡ зху аицлабра алауреат, америкатәи апианинорҳәаҩы Енџьел Вонг, "ашоу "Абжьы" аҿы аԥхьахә згаз Ельмира Караханова.
Sputnik Аԥсны — аусмҩаԥгатә аинформациатә партниорс иҟоуп.
Арҭ ажәақәа, аныҳәақәа, аишәа амҩаԥгараан, гәырӷьарақәа раан ирҳәоит. Уимоу, аԥсуа жәлар ачымазарақәа рацәаны музыкала ирхәышәтәуан ҳәа иҳәеит Ҷанба.
Афонҿыцтәи афестиваль "Здаҟам амузыка амч" мҩаԥысуеит лаҵара 27-нӡа. Уахь иаҵанакуеит Афонҿыцтәи аҳаԥаҟны имҩаԥысраны иҟоу "Здаҟам амузыка амч" аконцерт, еиуеиԥшым атемақәа рыла алекциақәа рыԥхьара, ацәыргақәҵақәа, аҟазаратә хәылԥазқәа, агала-концертқәа.
Афестиваль аҿы иара убасгьы рхы аладырхәуеит Чаиковски ихьӡ зху аицлабра алауреат, америкатәи апианинорҳәаҩы Енџьел Вонг, "ашоу "Абжьы" аҿы аԥхьахә згаз Ельмира Караханова.
Sputnik Аԥсны — аусмҩаԥгатә аинформациатә партниорс иҟоуп.
