Баџьгәыр Саӷариа диижьҭеи 100 шықәса аҵра иазкны аҭҵаарадырратә конференциа мҩаԥысит
16:26 26.05.2026 (ирҿыцуп: 17:13 26.05.2026)
© Foto / Сария Аргун
Анапаҵаҩра
АҞӘА, лаҵара 26 — Sputnik. Аҵарауаҩ Баџьгәыр Саӷариа диижьҭеи 100 шықәса аҵра иазкны аҭҵаарадырратә конференциа мҩаԥысит Аԥсуаҭҵааратә институт аҟны.
Аҵарауаа Саӷариа иҭҵаарадырратә ҭынхеи Аԥсны аҭоурых аҭҵаараҿы иааникыло аҭыԥи ирызку ажәахәқәа ҟарҵеит.
"Баџьгәыр Еснаҭ-иԥа Саӷариа дзыхьӡаз даара ирацәоуп. Аџьынџьтәылатә еибашьра ду ианалага ауп ашкол даналга. Аибашьра ашьҭахь дҭалоит Ростовтәи аҳәынҭқарратә университет, уи аамҭа инаркны Аԥсны аҭоурых аҭҵаара далагеит. Иахьа иузымԥшаауа архивтә документқәа даара ирацәаны иҭиҵаауан. Аамҭа кьаҿк иалагӡаны архивқәа рҿы аус аниуаз иҩит 270 инареиҳаны аусумҭақәа, урҭ рахьынтә 80 инареиҳаны ҭҵаарадырратә усумҭақәоуп. Иара 16 монографиа дравторуп", — ҳәа азгәеиҭеит Аԥсуаҭҵааратә институт аиҳабы Арда Ашәба.
Баџьгәыр Еснаҭ-иԥа Саӷариа – асовет, аԥсуа ҭоурыхҭҵааҩ, аҭоурыхтә ҭҵаарадыррақәа рдоктор, диит лаҵарамза 1 1926 шықәса рзы. ААУ апрофессор, Аԥсуаҭҵааратә институт аҭҵаарадырратә усзуҩ хада, Аԥсны асовет ҭоурых азы аспециалист иакәны дыҟан. Аҵарауаҩ иԥсҭазаара далҵит абҵара 16 2005 шықәсазы.
Аҵарауаа Саӷариа иҭҵаарадырратә ҭынхеи Аԥсны аҭоурых аҭҵаараҿы иааникыло аҭыԥи ирызку ажәахәқәа ҟарҵеит.
"Баџьгәыр Еснаҭ-иԥа Саӷариа дзыхьӡаз даара ирацәоуп. Аџьынџьтәылатә еибашьра ду ианалага ауп ашкол даналга. Аибашьра ашьҭахь дҭалоит Ростовтәи аҳәынҭқарратә университет, уи аамҭа инаркны Аԥсны аҭоурых аҭҵаара далагеит. Иахьа иузымԥшаауа архивтә документқәа даара ирацәаны иҭиҵаауан. Аамҭа кьаҿк иалагӡаны архивқәа рҿы аус аниуаз иҩит 270 инареиҳаны аусумҭақәа, урҭ рахьынтә 80 инареиҳаны ҭҵаарадырратә усумҭақәоуп. Иара 16 монографиа дравторуп", — ҳәа азгәеиҭеит Аԥсуаҭҵааратә институт аиҳабы Арда Ашәба.
Баџьгәыр Еснаҭ-иԥа Саӷариа – асовет, аԥсуа ҭоурыхҭҵааҩ, аҭоурыхтә ҭҵаарадыррақәа рдоктор, диит лаҵарамза 1 1926 шықәса рзы. ААУ апрофессор, Аԥсуаҭҵааратә институт аҭҵаарадырратә усзуҩ хада, Аԥсны асовет ҭоурых азы аспециалист иакәны дыҟан. Аҵарауаҩ иԥсҭазаара далҵит абҵара 16 2005 шықәсазы.
