Урыстәылатәи аныҟәаратә блогерцәа ирҳәеит Аԥсны бзиа ишырбаз
12:25 28.05.2026 (ирҿыцуп: 13:11 28.05.2026)
© Sputnik / Томас Тхайцук
Анапаҵаҩра
Апресс-тур аҳәаақәа ирҭагӡаны, аблогерцәа "Зысасгәашә аарту Аԥсны" алахәылацәа еиҿыркаауа апроектқәа ирҭааит.
АҞӘА, лаҵара 28 — Sputnik. Урыстәылатәи аныҟәаратә блогерцәа Аԥсны бзиа ирбеит, абри атәы дара ажурналистцәа ирзеиҭарҳәеит мышқәак рыҩнуҵҟа атәылаҿ еиуеиԥшым аҭыԥқәа ианырҭаа ашьҭахь.
Викториа Николаева, Дариа Борисова, Галина Пудова Аԥсы Атәыла анырра ду рнаҭеит. Дара аҭааит Гагра, Пицунда, Тҟәарчал араион, Аԥсны аҳҭнықалақь. Ргәы иҭоуп Афон ҿыц абара.
Викториа Николаева, Дариа Борисова, Галина Пудова Аԥсы Атәыла анырра ду рнаҭеит. Дара аҭааит Гагра, Пицунда, Тҟәарчал араион, Аԥсны аҳҭнықалақь. Ргәы иҭоуп Афон ҿыц абара.
"Аҩызцәа, бзиа шәызбоит. Шәара даара асасдкылара шәылоуп, иџьашьахәу аԥсабара шәымоуп, ҳара аҭоурых ҵаула ҳаиднакылоит", — лҳәеит аныҟәаратә блогер Дариа Борисова, иазгәалҭеит аԥсабара, аҭоурых, архитектура, акрыфарҭа, асеиԥш еишьаршәалоу адунеи аҿы џьаргьы ишыҟам.
Уи длықәшаҳаҭуп Викториа Николаева. Лара лгәаанагарала, Аԥсны урыстәылатәи атуристцәа рзы иреиӷьу тәылоуп: атәыла ԥшӡоуп, ишәарҭаӡам, арахь аара хараӡам, абызшәатә ԥынгыла ыҟам, аԥара авалиута аԥсахрагьы аҭахӡам.
Апресс-тур еицеиҿыркааит Аԥсны Атуризм аминистрреи аҳаиреилахәыра Nordwind Airlines-и, Владислав Арӡынба ихьӡ зху жәларбжьаратәи аҳаирбаӷәаза "Аҟәа" ацхыраарала.
Уи длықәшаҳаҭуп Викториа Николаева. Лара лгәаанагарала, Аԥсны урыстәылатәи атуристцәа рзы иреиӷьу тәылоуп: атәыла ԥшӡоуп, ишәарҭаӡам, арахь аара хараӡам, абызшәатә ԥынгыла ыҟам, аԥара авалиута аԥсахрагьы аҭахӡам.
Апресс-тур еицеиҿыркааит Аԥсны Атуризм аминистрреи аҳаиреилахәыра Nordwind Airlines-и, Владислав Арӡынба ихьӡ зху жәларбжьаратәи аҳаирбаӷәаза "Аҟәа" ацхыраарала.
