Аԥсны АдәАР Қырҭтәыла "аидҵаразы" иҟанаҵаз аҳәамҭа ахҳәаа анаҭеит
22:56 28.05.2026 (ирҿыцуп: 23:33 28.05.2026)
© Sputnik / Томас Тхайцук
Анапаҵаҩра
АҞӘА, лаҵара 28 — Sputnik. Хырԥашьа змам Аԥсны Қырҭтәыла "адҵаразы" Қарҭ иҟанаҵо аҳәамҭақәа аԥсуа жәлар аҟазаареи ахҳәаақәҵареи рзы азин агәхьаамкра ауп иаанаго ҳәа аҳәоит адәныҟатәи аусқәа рминистр ихаҭыԥуаҩ Одиссеи Бигәаа иҟаиҵаз аҳәамҭаҿы.
Егьырҭ атәылақәа рзы "аинышәара" иазку аҳәамҭақәа аҭынч ҟазшьа рымоуп ҳәа ргәы иаанагар алшоит, аха Аԥсны урҭ шәарҭарак аҳасабала ирыдыркылоит ҳәа инаҵшьны иазгәеиҭеит иара.
Егьырҭ атәылақәа рзы "аинышәара" иазку аҳәамҭақәа аҭынч ҟазшьа рымоуп ҳәа ргәы иаанагар алшоит, аха Аԥсны урҭ шәарҭарак аҳасабала ирыдыркылоит ҳәа инаҵшьны иазгәеиҭеит иара.
"Ҳара ҳзы иаарту хлымӡаах ҿырԥштәуп Аҷариа алахьынҵа, уи ахаҭареи аполитикатә субиекти ацәыӡит, автономтә еилазаарак аҳасабала аполитикатә хсаала аҟынтәи иӡит. Ас еиԥш асценари Аԥсны Аҳәынҭқарра зынӡа иақәшаҳаҭтәым", — ҳәа аҳәоит аҳәамҭаҿы.
Қырҭтәыла аҭынчрахь иҟанаҵо ииашоу шьаҿақәаны иҟалон аҭоурыхтә хара азханаҵар, Аԥсни иареи ирыбжьоу аиҿагыларақәа адипломатиатә мҩала аӡбара, амч ахамырхәаразы азакәантә шьақәырӷәӷәарақәа рыҭара. Уи аҭыԥан, Бигәаа иазгәеиҭеит, Қырҭтәыла мраҭашәаратәи бџьарла аҽеибыҭара ишаҿу.
"Еилкаауп, "амифтә еидҵара" аконцепциаҿы хә-миллионҩык рыла ишьақәгылоу аҳәынҭқарра аԥсуа жәлар маҷ ирҿагыланы даҽа агрессиак амҩаԥгара ргәы ишҭоу", — ҳәа иҳәеит адәныҟаполитикатә усбарҭа аиҳабы ихаҭыԥуаҩ.
"Еилкаауп, "амифтә еидҵара" аконцепциаҿы хә-миллионҩык рыла ишьақәгылоу аҳәынҭқарра аԥсуа жәлар маҷ ирҿагыланы даҽа агрессиак амҩаԥгара ргәы ишҭоу", — ҳәа иҳәеит адәныҟаполитикатә усбарҭа аиҳабы ихаҭыԥуаҩ.
