Аԥсны аҳәынҭқарратә хортә капеллеи Нижни Новгородтәи акамертә хори рконцерт мҩаԥысит Аҟәа
22:43 30.05.2026 (ирҿыцуп: 23:31 30.05.2026)
© Sputnik / Марианна Кубрава
Анапаҵаҩра
АҞӘА, лаҵара 30 — Sputnik. Аԥсны аҳәынҭқарратә хортә капеллеи Нижни Новгородтәи акамертә хори рконцерт мҩаԥысит Аԥсуа театр аҿы.
Аконцерт амҩаԥгаразы аԥшьгара ҟанаҵеит Нижни Новгород акультура Адепартамент.
Аусмҩаԥгатә Нижни Новгороднтәи ареспубликахь сынтәа иааз раԥхьатәи ареис аҳаҭыраз имҩаҧган ҳәа Sputnik иазеиҭалҳәеит Аԥсны акапелла адиректор Хьыбла Возԥҳа.
Аконцерт апрограммаҿы иҟан европатәии аурыси композиторцәа рырҿиамҭақәа, иара убас аԥсуа музыка.
"Ҷыдала иазгәасҭарц сҭахуп, Нижни Новгород ахор аԥсышәала акомпозициа ахьынанагӡаз — ҳара ҳзы уи акырӡа аҵанакуеит. Ҳара ҳгәы иҭоуп, иара убас, аусеицуразы аиқәшаҳаҭра анапаҵаҩра — еиуеиԥшым акультуратә проектқәа рҿы ԥхьаҟатәи аусеицуразы", — лҳәеит Аҳәынҭқарратә хортә капелла адиректор.
Апоетесса Гәында Сақаниаԥҳа даҧхьеит ажәеинраала "Сара ашьхараҿы, Анцәа игәаҵаҟа сыҟоуп" урысшәалеи аԥсышәалеи, аколлективқәа рыҩбагьы ҩ-бызшәак рыла жәлар рашәақәа ҩба еицырҳәеит — "Ахрашәа", "Веники".
Ҵыԥх Нижни Новгороди Аҟәеи ркультура амшқәа реицазгәаҭара аҳәаақәа ирҭагӡаны акамертә хор Аԥсныҟа иааны аҳәынҭфилармониаҿы Аԥсны аҳәынҭқарратә хортә капеллеи иареи аконцерт еицымҩаԥыргеит. Сынтәатәи ашықәс алагамҭазы аԥснытәи аколлектив агастрольқәа рыла Нижни Новгородҟа иҟан.
Аконцерт амҩаԥгаразы аԥшьгара ҟанаҵеит Нижни Новгород акультура Адепартамент.
Аусмҩаԥгатә Нижни Новгороднтәи ареспубликахь сынтәа иааз раԥхьатәи ареис аҳаҭыраз имҩаҧган ҳәа Sputnik иазеиҭалҳәеит Аԥсны акапелла адиректор Хьыбла Возԥҳа.
Аконцерт апрограммаҿы иҟан европатәии аурыси композиторцәа рырҿиамҭақәа, иара убас аԥсуа музыка.
"Ҷыдала иазгәасҭарц сҭахуп, Нижни Новгород ахор аԥсышәала акомпозициа ахьынанагӡаз — ҳара ҳзы уи акырӡа аҵанакуеит. Ҳара ҳгәы иҭоуп, иара убас, аусеицуразы аиқәшаҳаҭра анапаҵаҩра — еиуеиԥшым акультуратә проектқәа рҿы ԥхьаҟатәи аусеицуразы", — лҳәеит Аҳәынҭқарратә хортә капелла адиректор.
Апоетесса Гәында Сақаниаԥҳа даҧхьеит ажәеинраала "Сара ашьхараҿы, Анцәа игәаҵаҟа сыҟоуп" урысшәалеи аԥсышәалеи, аколлективқәа рыҩбагьы ҩ-бызшәак рыла жәлар рашәақәа ҩба еицырҳәеит — "Ахрашәа", "Веники".
Ҵыԥх Нижни Новгороди Аҟәеи ркультура амшқәа реицазгәаҭара аҳәаақәа ирҭагӡаны акамертә хор Аԥсныҟа иааны аҳәынҭфилармониаҿы Аԥсны аҳәынҭқарратә хортә капеллеи иареи аконцерт еицымҩаԥыргеит. Сынтәатәи ашықәс алагамҭазы аԥснытәи аколлектив агастрольқәа рыла Нижни Новгородҟа иҟан.
