Афильм "Адунеи абжьы ацәыӡуеит" аҭыхрақәа ирылагеит Аԥсны
20:20 07.06.2026 (ирҿыцуп: 00:28 08.06.2026)
© telegram sputnik_apsny_info
Анапаҵаҩра
АҞӘА, рашәара 7— Sputnik. Афильм "Адунеи абжьы ацәыӡуеит" ("Мир теряет громкость") аҭыхрақәа ирылагеит Аԥсны.
"Аҭыхрақәа мҩаԥысуеит Очамчыра, Аҟәа, Афон ҿыц, Гәдоуҭа, иара убас Ареспубликатә хәышәтәырҭеи Гагра инаркны аҳҭнықалақь аҟынӡа амҩа хәҭақәак рҟны", — абри атәы Sputnik иазеиҭеиҳәеит аилахәыра "МСМ" аԥснытәи аҟәша анапхгаҩы Никита Башников.
Асиужет ала Аԥсныҟа ԥсшьара ҳәа аиҭагаҩ даауеит, аха лара аҳаирплан аҿы ааха ааха лоуеит, аамҭала ллымҳа аҳара иаҟәыҵуеит. Ари аҭагылазаашьа иахҟьаны, уахи-ҽни аусура иаҿыз аҭыԥҳа лыԥсҭазаара деиҭазхәыцыртә дҟанаҵоит.
Ароль хада налыгӡоит асериал "Слово пацана" аҟны Наташа лроль ала еицырдыруа — Елизавета Базыкина.
Аԥсны аҭыхрақәа мҩаԥыслоит рашәара 10 рҟынӡа. Урҭ ирылахәуп аԥсуа актиорцәа рацәаҩны, урҭ рхыԥхьаӡараҿы иҟоуп Ҭемыр Ҭаниеи Руслан Шьакаиеи. Апродиусерцәа дыруаӡәкуп — Селма Агрԥҳа.
Никита Башниковгьы Аԥсны дадҳәалоуп, уи шьҭрала гагратәуп, иангьы даԥсыуоуп. Акино аҿы иара аашықәса ҵуеит аус иуеижьҭеи, ареспубликаҿы аҭыхрақәа изныкымкәагьы имҩаԥигахьеит.
Аҭыхратә гәыԥ шьақәгылоуп 55-60-ҩык рыла. Аусура хыркәшахоит Москва ԥхынгәы 5 рзы. "Адунеи абжьы ацәыӡуеит" ("Мир теряет громкость") ахәаԥшра алшоит ҳазҭоу ашықәс азы.
"Аҭыхрақәа мҩаԥысуеит Очамчыра, Аҟәа, Афон ҿыц, Гәдоуҭа, иара убас Ареспубликатә хәышәтәырҭеи Гагра инаркны аҳҭнықалақь аҟынӡа амҩа хәҭақәак рҟны", — абри атәы Sputnik иазеиҭеиҳәеит аилахәыра "МСМ" аԥснытәи аҟәша анапхгаҩы Никита Башников.
Асиужет ала Аԥсныҟа ԥсшьара ҳәа аиҭагаҩ даауеит, аха лара аҳаирплан аҿы ааха ааха лоуеит, аамҭала ллымҳа аҳара иаҟәыҵуеит. Ари аҭагылазаашьа иахҟьаны, уахи-ҽни аусура иаҿыз аҭыԥҳа лыԥсҭазаара деиҭазхәыцыртә дҟанаҵоит.
Ароль хада налыгӡоит асериал "Слово пацана" аҟны Наташа лроль ала еицырдыруа — Елизавета Базыкина.
Аԥсны аҭыхрақәа мҩаԥыслоит рашәара 10 рҟынӡа. Урҭ ирылахәуп аԥсуа актиорцәа рацәаҩны, урҭ рхыԥхьаӡараҿы иҟоуп Ҭемыр Ҭаниеи Руслан Шьакаиеи. Апродиусерцәа дыруаӡәкуп — Селма Агрԥҳа.
Никита Башниковгьы Аԥсны дадҳәалоуп, уи шьҭрала гагратәуп, иангьы даԥсыуоуп. Акино аҿы иара аашықәса ҵуеит аус иуеижьҭеи, ареспубликаҿы аҭыхрақәа изныкымкәагьы имҩаԥигахьеит.
Аҭыхратә гәыԥ шьақәгылоуп 55-60-ҩык рыла. Аусура хыркәшахоит Москва ԥхынгәы 5 рзы. "Адунеи абжьы ацәыӡуеит" ("Мир теряет громкость") ахәаԥшра алшоит ҳазҭоу ашықәс азы.
