Екатеринбургнтәи Аҟәаҟа ишиашоу аҳаирԥыррақәа раԥхьаӡа акәны ихацыркхоит ԥхынгәы 1 инаркны
17:12 09.06.2026 (ирҿыцуп: 17:59 09.06.2026)
© Sputnik / Томас Тхайцук
Анапаҵаҩра
АҞӘА, рашәара 9 — Sputnik. Екатеринбургнтәи Аҟәаҟа ишиашоу аҳаирԥыррақәа раԥхьаӡа акәны ихацыркхоит ԥхынгәы акы инаркны.
Ари ахырхарҭа ҿыц мҩаԥнагоит аҳаиреилахәыра "Уральские авиалинии". Аҳаирпланқәа мчыбжьык ахьтә ҩынтә ибжьысоит — хашалеи мҽышалеи. Уажәнатә абилеҭқәа рыҭира иалагахьеит аҳаиреилахәыра асаит аҿы ҳәа аанацҳауеит аҟәатәи аҳаирбаӷәаза апресс-маҵзура.
Екатеринбургантәи ашьԥраара азгәаҭоуп асааҭ 10:50 рзы, Аҟәа иҟалоит асааҭ12:30 рзы. Аҟәантәи ишьҭыԥраауеит асааҭ 13:30 рзы, Екатеринбург инеиуеит асааҭ 19:00 рзы.
Екатеринбургантәи ишиашоу аҳаиреимадара аартра ареспублика атранспорттә еимадара аҿиараҿы акыр зҵазкуа шьаҿаны иҟалоит ҳәа азгәеиҭеит Владислав Арӡынба ихьӡ зху Жәларбжьаратәи аҳаирбаӷәаза "Аҟәа" ахантәаҩы Руслан Блиндиук.
Ари ахырхарҭа ҿыц мҩаԥнагоит аҳаиреилахәыра "Уральские авиалинии". Аҳаирпланқәа мчыбжьык ахьтә ҩынтә ибжьысоит — хашалеи мҽышалеи. Уажәнатә абилеҭқәа рыҭира иалагахьеит аҳаиреилахәыра асаит аҿы ҳәа аанацҳауеит аҟәатәи аҳаирбаӷәаза апресс-маҵзура.
Екатеринбургантәи ашьԥраара азгәаҭоуп асааҭ 10:50 рзы, Аҟәа иҟалоит асааҭ12:30 рзы. Аҟәантәи ишьҭыԥраауеит асааҭ 13:30 рзы, Екатеринбург инеиуеит асааҭ 19:00 рзы.
Екатеринбургантәи ишиашоу аҳаиреимадара аартра ареспублика атранспорттә еимадара аҿиараҿы акыр зҵазкуа шьаҿаны иҟалоит ҳәа азгәеиҭеит Владислав Арӡынба ихьӡ зху Жәларбжьаратәи аҳаирбаӷәаза "Аҟәа" ахантәаҩы Руслан Блиндиук.
"Ари ахырхарҭамҩа Аԥсны ауааԥсыра рзы алшара ҿыцқәа аанартуеит: Уралҟа аԥырра маншәалахоит аҵаразы, аусуразы, хаҭалатәи аныҟәарақәа рзы, иара убасгьы ҳнаплакҩцәа рзы рлагистика армариоит. Свердловсктәи аобласти уи иазааиӷәоу арегионқәеи рҟынтәи аԥсшьацәа рзы Аԥсны еиҳагьы иааигәахоит", — иҳәеит иара.
Аҟәатәи аҳаирбаӷәаза амҩахырхарҭатә ҳақәа ирыҵаркхьеит Москва, Нижни Новгород, Минеральные Воды, Уфа, Калуга, Ханты-Мансииск.
