https://sputnik-abkhazia.info/20260609/1063577197.html

Ацәыргақәҵатә зал хадаҿы иаатит Ирма Папасқьыр-Аршба лцәыргақәҵа "Ашьҭра амч"

Ацәыргақәҵатә зал хадаҿы иаатит Ирма Папасқьыр-Аршба лцәыргақәҵа "Ашьҭра амч"

Sputnik Аҧсны

АҞӘА, рашәара 9 — Sputnik. Аԥсны ацәыргақәҵатә зал хадаҿы иаатит Ирма Папасқьыр-Аршба лцәыргақәҵа "Ашьҭра амч".Уаҟа ицәыргоуп жәабала аԥсуа хылҵшьҭрақәа... 09.06.2026, Sputnik Аҧсны

2026-06-09T19:07+0300

2026-06-09T19:07+0300

2026-06-09T21:08+0300

аԥсны

ажәабжьқәа

аԥсны

акультура

https://cdnn1.img.sputnik-abkhazia.info/img/07ea/06/09/1063575484_0:85:1620:996_1920x0_80_0_0_6dd94f2cd7579cfb03350740730e0c7b.jpg

АҞӘА, рашәара 9 — Sputnik. Аԥсны ацәыргақәҵатә зал хадаҿы иаатит Ирма Папасқьыр-Аршба лцәыргақәҵа "Ашьҭра амч".Уаҟа ицәыргоуп жәабала аԥсуа хылҵшьҭрақәа Арӡынаа, Шьынқәыраа, Гәлиаа, Лакәараа, Ешаа, Чачаа, Иналиԥацәа, Лакраа уҳәа ихьӡырку рдамыӷқәа. Аусумҭақәа цәыргоуп аҩычага ҳасабала, асахьаҭыхҩы лгәаанагарала, аҿар реиԥш, аиҳабыратәи абиԥарақәагьы аинтерес рызцәырнагар алшоит.Зыԥсҭазаара еиҳарак Москва изхызго Ирма Папасқьыр-Аршба ишылҳәаз ала, аколлекциа аԥҵара лыԥсадгьыл агәхьаагара иахылҿиааит. Лара лгәаанагарала, аҭаацәаратә герб аныҟәгара, ари ауаҩы иҭаацәаратә ҭоурых аимадара ахьчареи, рабдуцәа рҵасқәеи руасиаҭи рықәныҟәараҿы ицхыраагӡоуп.Адамыӷақәа ирызку аинформациа Папасқьыр-Аршба еизылгеит Шьалуа Иналиԥа, иара убас егьырҭ аԥсуеи асовет ҵарауааи рҩымҭақәа рыла. Ацәыргақәҵатә зал хада аиҳабы Ельвира Арсалиаԥҳа иазгәалҭеит, Ирма Папасқьыр-Аршба Аԥсны акультуратә ҭынха аиқәырхара иазынархоу инарҭбаау аҭҵаарадырратә усура шымҩаԥылгаз. Ацәыргақәҵа "Ашьҭра амч" аҭааҩцәа рзы иаартуп ԥхынгәы 30 рҟынӡа.

2026

Ажәабжьқәа

ab_AB

ажәабжьқәа, аԥсны, акультура