Аԥсны Аминистрцәа реилазаараҿы ақыҭаҿиара аҳәынҭқарратә программа анагӡаразы акомиссиа актәи аилатәара мҩаԥысит.
Аԥсны Аминистрцәа реилазаараҿы ақыҭаҿиара аҳәынҭқарратә программа анагӡаразы акомиссиа актәи аилатәара мҩаԥысит.
Апрограмма иаҵанакуеит агрантқәеи асубсидиақәеи рыҭара, атехникеи урҭ реиқәыршәагақәеи раахәара, аҵиаақәа ачымазарақәеи ахәаҷамаҷақәеи рҟынтәи рыхьчага рыҭара, иара убас арахә рааӡара иадҳәалоу аусмҩаԥгатәқәа рымҩаԥгара ҳәа иҳәеит акомиссиа анапхгаҩы, аԥыза-министр ихаҭыԥуаҩ Џьансыхә Нанба.
"Хазы иалкаатәуп "Ақыҭақәа афинанстә цхыраара рыҭара" захьӡу аусмҩаԥгатә. Ишышәдыруа еиԥш, ари апрограмма аҳәынҭқарра ахада иҟаиҵаз адҵала хазы аԥара азоужьуп. Уи иазгәанаҭоит Аԥсны ақыҭақәа зегьы миллионк-миллионк рызшара", — иҳәеит иара.
Нанба иазгәеиҭеит, акомиссиа ишалахәу аԥышәа змоу аҟазауаа, аҳәынҭусбарҭақәа рхаҭарнакцәа, аусдырцәа.
"Ҿыӷәӷәала иаҳҳәар ауеит — ҳусура алҵшәа бзиа аиуеит ҳәа, уи аартуп, насгьы апрограмма анагӡара алҵшәа рныруеит ҳтәылауаа, ҷыдала ақыҭауаа", — иҳәеит иара.
