Бадра Гәынба Владимир Путин Урыстәыла амш идиныҳәалеит
09:40 12.06.2026 (ирҿыцуп: 10:58 12.06.2026)
© Sputnik / Алексей Никольский
Анапаҵаҩра
Урыстәыла амш – ҳәынҭқарратә ныҳәоуп, есышықәса иазгәарҭоит РСФСР аҳәынҭқарратә суверенитет Адекларациа анрыдыркылаз амш – рашәара 12 аҽны.
АҞӘА, рашәара 12 — Sputnik. Бадра Гәынба Владимир Путин Урыстәыла амш идиныҳәалеит.
"Ари аныҳәа шәышықәсала урыстәылатәи аҳәынҭқарра аҭоурыхи, Урыстәыла аҳаракыра, аӷәӷәара, уи адоуҳатәи аморалтәи ҵак дуқәа иузаҟәымҭхо иадҳәалоуп, атәылаҿы иқәынхо ажәларқәа ракзаара иасимволуп. Иахьа Урыстәыла — ҳәынҭқарра дуӡӡоуп, амилаҭтә интересқәеи, асуверенитети, ажәларқәа аҭынчреи, ахьыԥшымреи, аҿиареи рзы рзинқәа ахьчоит", — ҳәа азгәаҭоуп аҳәамҭаҿы.
Гәынба иазгәеиҭеит, аԥсуа жәлар Урыстәыла иҟанаҵо адгылара ахә ҳаракны ишыршьо, уи азы гәык-ԥсык ала иҭабуп ҳәа шырҳәо.
Аԥсны Урыстәыла адгылара анаҭоит адунеизегьтәи аҭышәынтәалара иаша ашьақәыргыларазы имҩаԥнаго аҽазышәарақәа рҿы, атәылақәа рыбжьара аиҩызаратә еизыҟазаашьақәа аринахысгьы иӷәӷәахоит ҩ-жәларык реизҳазыӷьаразы ҳәа инаҵшьны иазгәеиҭеит аҳәынҭқарра ахада.
Аԥсны Урыстәыла адгылара анаҭоит адунеизегьтәи аҭышәынтәалара иаша ашьақәыргыларазы имҩаԥнаго аҽазышәарақәа рҿы, атәылақәа рыбжьара аиҩызаратә еизыҟазаашьақәа аринахысгьы иӷәӷәахоит ҩ-жәларык реизҳазыӷьаразы ҳәа инаҵшьны иазгәеиҭеит аҳәынҭқарра ахада.
