Жәлар рырҿиара раԥхьатәи афестиваль "Зегьызлоу" мҩаԥысуеит Гәдоуҭа Kate Park
10:47 26.06.2026 (ирҿыцуп: 12:17 26.06.2026)
CC0 / /
Анапаҵаҩра
Анаҩстәи аконцерт азԥхьагәаҭоуп жьҭаарамзазы, ахԥатәи мҩаԥгахоит жәабранмзазы.
АҞӘА, рашәара 26 — Sputnik. Жәлар рырҿиара раԥхьатәи афестиваль "Зегьызлоу " мҩаԥысуеит рашәара 30 рзы Гәдоуҭа Kate Park аҟны ҳәа Sputnik иазеиҭалҳәеит афестиваль аиҿкааҩ Рамина Заде.
Уи рхы аладырхәыр рылшоит ахкынагӡаҩцәа реиԥш, ахореографиатә, аинструменталтә, авокалтә нсамбльқәагьы.
Афестиваль аԥҟаррақәа алахәылацәа алшара рынаҭоит аестрадатә шәақәа рынагӡарагьы, аха урҭ еиҭарҿыцу жәлар рырҿиамҭақәа ракәзар ауп.
Уи рхы аладырхәыр рылшоит ахкынагӡаҩцәа реиԥш, ахореографиатә, аинструменталтә, авокалтә нсамбльқәагьы.
Афестиваль аԥҟаррақәа алахәылацәа алшара рынаҭоит аестрадатә шәақәа рынагӡарагьы, аха урҭ еиҭарҿыцу жәлар рырҿиамҭақәа ракәзар ауп.
"Афестиваль ҷыдара хадас иамоу зегьы аԥсышәала иахьыҟало ауп, аха егьырҭ амилаҭқәа рколлективқәа рзы уи ацәхьаҵра ҟаҳҵеит. Даҽакала иаҳҳәозар, аурыс ма аерман ансамбльқәа дасу рыжәларқәа рыкәашарақәа нарыгӡар рылшоит", — ҳәа азгәалҭеит Заде.
Лара лажәақәа рыла, афестиваль акоммерциатә ҟазшьа амаӡам. Раԥхьа иргыланы, уи зыҟаҵоу иахьынӡазалшо ақыҭа иалҵыз ма аколлектив ҿарацәа ахалархәра рылшарц азоуп. Уи иалнаршоит аԥышәа аиура, рколлегацәа рырҿиара аилкаара, ахәаԥшцәа рыргәырӷьара.
Анаҩстәи аконцерт азԥхьагәаҭоуп жьҭаарамзазы, ахԥатәи мҩаԥгахоит жәабранмзазы. Амҩаԥгаҩ — аԥсуа естрадатә шәаҳәаҩы Саида Габниаԥҳа.
Анаҩстәи аконцерт азԥхьагәаҭоуп жьҭаарамзазы, ахԥатәи мҩаԥгахоит жәабранмзазы. Амҩаԥгаҩ — аԥсуа естрадатә шәаҳәаҩы Саида Габниаԥҳа.
