Агәабзиарахьчара аминистрраҿы аԥснытәи ачымазцәа рымҩангара азҵаара иалацәажәеит
18:33 26.06.2026 (ирҿыцуп: 22:12 26.06.2026)
© Sputnik / Евгений Епанчинцев
Анапаҵаҩра
АҞӘА, рашәара 26 — Sputnik. Академик Шумаков ихьӡ зху атрансплантологиеи иԥсабаратәым ацәеижьхәҭақәеи рмилаҭтә медицинатә ҭҵаарадырратә центр аҟны ахәшәтәра иаргәаҟуа аԥснытәи ачымазцәа рымҩангара азҵаара иалацәажәеит Агәабзиарахьчара аминистрраҿы.
Аԥсны агәабзиарахьчара аминистр Асҭамыр Гәниеи, ацентр анапхгаҩы Шамиль Галееви, авидеоеимадарала ицәырҵыз Урыстәыла агәабзиарахьчара аминистрра атранспланталогиа аспециалист хада Сергеи Готиеи русуратә еилацәажәара мҩаԥысит иахьа Аҟәа.
Ҩымштәи рҭаара аҳәаақәа ирҭагӡаны Шумаков ихьӡ зху ацентр аспециалистцәа Ареспубликатә хәшәтәырҭа иаҭааит, уаҟа ирзеиҭарҳәеит агемодиализтә, ареанимациатә, аклиникатә ҟәшақәа, аԥҟаратә уада, алабораториа русура атәы.
Шамиль Галеев иажәақәа рыла, ахәшәтәырҭатә усбарҭа иҳараку ҩаӡарала аус ауеит, еиуеиԥшым ауснагӡатәқәа нанагӡоит. Уи адагьы, аҩ-ганк ареанимациа аҟәшақәа адиализтә аппаратқәа рыла реиқәыршәара азҵаара иалацәажәеит.
Аԥсны агәабзиарахьчара аминистр Асҭамыр Гәниеи, ацентр анапхгаҩы Шамиль Галееви, авидеоеимадарала ицәырҵыз Урыстәыла агәабзиарахьчара аминистрра атранспланталогиа аспециалист хада Сергеи Готиеи русуратә еилацәажәара мҩаԥысит иахьа Аҟәа.
Ҩымштәи рҭаара аҳәаақәа ирҭагӡаны Шумаков ихьӡ зху ацентр аспециалистцәа Ареспубликатә хәшәтәырҭа иаҭааит, уаҟа ирзеиҭарҳәеит агемодиализтә, ареанимациатә, аклиникатә ҟәшақәа, аԥҟаратә уада, алабораториа русура атәы.
Шамиль Галеев иажәақәа рыла, ахәшәтәырҭатә усбарҭа иҳараку ҩаӡарала аус ауеит, еиуеиԥшым ауснагӡатәқәа нанагӡоит. Уи адагьы, аҩ-ганк ареанимациа аҟәшақәа адиализтә аппаратқәа рыла реиқәыршәара азҵаара иалацәажәеит.
