Бадра Гәынба Диоскураа рыԥшаҳәа аиҭашьақәыргылараҿы злагала ыҟоу ҭабуп ҳәа реиҳәеит
13:39 03.07.2026 (ирҿыцуп: 14:26 03.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 3 — Sputnik. Аԥсны ахада Бадра Гәынба Диоскураа рыԥшаҳәа аиҭашьақәыргылара аус аҿы злагала дуу Урыстәыла арегионқәа ҭабуп ҳәа реиҳәеит.
Аусурақәа мҩаԥысуан Башкортосҭан, Ҭаҭарсҭан, аҟәатәи аҳаирбаӷәаза, Урыстәылеи Аԥсни рбизнесуаа рыцхыраарала. Иара убас, Нижни Новгород ацхыраарала Амҳаџьырцәа рыԥшаҳәаҿы иҟоу агәашьеибаркыреи аҵлақәеи рҿы архитектуратә ҵлашара ықәдыргылеит, Краснодартәи атәылаҿацә асқьала маҷ аиҭашьақәыргылара ахы иаднаҵеит.
Аусурақәа мҩаԥысуан Башкортосҭан, Ҭаҭарсҭан, аҟәатәи аҳаирбаӷәаза, Урыстәылеи Аԥсни рбизнесуаа рыцхыраарала. Иара убас, Нижни Новгород ацхыраарала Амҳаџьырцәа рыԥшаҳәаҿы иҟоу агәашьеибаркыреи аҵлақәеи рҿы архитектуратә ҵлашара ықәдыргылеит, Краснодартәи атәылаҿацә асқьала маҷ аиҭашьақәыргылара ахы иаднаҵеит.
"Акраҵанакуеит, реиҳа ихьанҭаз аамҭақәа раангьы арҭ арегионқәа Аԥсны ажәлар иахьрывагылаз. Даҽазныкгьы ҳҩызцәа иргәаласыршәар сҭахын, арегионқәа хәы змаӡам ацхыраара шыҟарҵоз. Арахь иаҵаанакуеит хәшәыла аиқәыршәара еиԥш, аибашьра ашьҭахьтәи аамҭазы амедицинатә усзуҩцәа Аԥсны иааны русура, Ҭаҭарсҭан, Башкортосҭан, Нижни Новгород, егьырҭ арегионқәа жәпакы рҿы ҳастудентцәа рҵараҵара", — иҳәеит Гәынба.
Иара иазгәеиҭеит ашықәс алагамҭазы аҳауатә ҭагылазаашьақәа аусурақәа ишырзыманшәаламыз, аха анардадаҩцәа уи ишааннамкылаз, ианаамҭаз иахьӡарц ирылшоз зегь шыҟарҵаз.
